സംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾഅഞ്ച് വര്‍ഷത്തിനുള്ളില്‍ ഭവനവായ്പ വിപണി ഇരട്ടിയിലധികം വളർച്ച നേടുംഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചു

ഡ്രൈവിംഗ് സ്‌കൂൾ സർട്ടിഫിക്കറ്റിൽ വ്യക്തതവരുത്തി കേന്ദ്രം

ന്യൂഡൽഹി: ഡ്രൈവിംഗ് ലൈസൻസും, ടെസ്റ്റുമായി ബന്ധപ്പെട്ട് രാജ്യത്ത് പ്രചരിക്കുന്ന അഭ്യൂഹങ്ങളിൽ കൂടുതൽ വ്യക്തത വരുത്തി കേന്ദ്രം. അംഗീകൃത ഡ്രൈവർ ട്രെയിനിംഗ് സെന്ററുകൾ (ADTC), ഡ്രൈവിംഗ് സ്‌കൂളുകൾ എന്നിവയെ പറ്റി വിവിധ മാധ്യമങ്ങളിൽ വിവിധ തരത്തിലുള്ള വാർത്തകളും, റിപ്പോർട്ടുകളും പുറത്തുവരുന്ന സാഹചര്യത്തിലാണ് അധികൃതർ കൂടുതൽ വ്യക്തത വരുത്തിയിരിക്കുന്നത്.

2024 ജൂൺ ഒന്നു മുതൽ രാജ്യത്ത് ഡ്രൈവിംഗ് ലൈസൻസ് നിയമങ്ങൾ അപ്പാടെ മാറുന്നുവെന്നായിരുന്നു വാർത്തകൾ പ്രചരിച്ചത്. എ്ന്നാൽ ജൂൺ 1 മുതൽ നിലവിലുള്ള നിയമങ്ങളിൽ യാതൊരു മാറ്റങ്ങളും ഉണ്ടാകില്ലെന്ന് കേന്ദ്രം ശനിയാഴ്ച വ്യക്തമാക്കി.

അപേക്ഷകർക്ക് ഇനിമുതൽ റീജിയണൽ ട്രാൻസ്പോർട്ട് ഓഫീസിൽ (RTO) ഡ്രൈവിംഗ് ടെസ്റ്റിന് വിധേയരാകേണ്ടി വരില്ലെന്നും, അംഗീകൃത സ്വകാര്യ ഡ്രൈവിംഗ് സ്‌കൂളുകളിൽ ഡ്രൈവിംഗ് ടെസ്റ്റ് നടത്താമെന്നും നേരത്തെ റിപ്പോർട്ടുകൾ ഉണ്ടായിരുന്നു.

അക്രഡിറ്റഡ് ഡ്രൈവർ ട്രെയിനിംഗ് സെന്ററുകൾ (ADTC) സംബന്ധിച്ചുള്ള വ്യവസ്ഥകൾ നിർദ്ദേശിക്കുന്ന 31ബി മുതൽ 31ജെ വരെയുള്ള നിയമങ്ങൾ 1989 ലെ കേന്ദ്ര മോട്ടോർ വാഹന നിയമങ്ങളിൽ (CMVR), GSR 394(E) പ്രകാരം 2021 ജൂൺ ഏഴിന് ചേർത്തിട്ടുണ്ടെന്ന് റോഡ് ഗതാഗത, ഹൈവേ മന്ത്രാലയം വ്യക്തമാക്കി. ഇവ 2021 ജൂലൈ 1 മുതൽ ബാധകമാണ്. ഈ നിമയങ്ങളിൽ 2024 ജൂൺ 1 മുതൽ ഒരു മാറ്റവും വിഭാവനം ചെയ്യുന്നില്ലെന്നാണ് വിശദീകരണം.

സ്വകാര്യ ഡ്രൈവിംഗ് സ്‌കൂളുകളിൽ പരീക്ഷ പാസാകുന്നവർക്ക് ഒരു ഒരു സർട്ടിഫിക്കറ്റ് ലഭിക്കുമെന്നും, ആർടിഒയിൽ കൂടുതൽ പരിശോധനയ്ക്ക് വിധേയമാകാതെ ഡ്രൈവിംഗ് ലൈസൻസിന് അപേക്ഷിക്കാൻ ഈ സർട്ടിഫിക്കറ്റ് ഉപയോഗിക്കാമെന്നും റിപ്പോർട്ടുകൾ പരന്നിരുന്നു.

1988 ലെ മോട്ടോർ വെഹിക്കിൾസ് (MV) നിയമത്തിലെ സെക്ഷൻ 12 പ്രകാരം മോട്ടോർ വാഹനങ്ങൾ ഓടിക്കുന്നതിനുള്ള നിർദ്ദേശങ്ങൾ നൽകുന്നതിന് സ്‌കൂളുകൾക്കോ, സ്ഥാപനങ്ങൾക്കോ ലൈസൻസും, നിയന്ത്രണവും നൽകുമെന്ന് മന്ത്രാലയം അറിയിച്ചു.

1989 -ലെ CMVR റൂൾ 24 -ന് കീഴിൽ സ്ഥാപിതമായ മറ്റ് തരത്തിലുള്ള ഡ്രൈവിംഗ് സ്‌കൂളുകൾക്ക്, ADTC -യെ അപേക്ഷിച്ച് കർശന മാനദണ്ഡങ്ങൾ ബാധകമല്ല. 1989 CMVR റൂൾ 27 -ന്റെ സബ്-റൂൾ (ഡി) അനുസരിച്ച് ഇവിടെ കോഴ്സ് വിജയകരമായി പൂർത്തിയാക്കിയതിന് ഫോം 5 സർട്ടിഫിക്കറ്റും നൽകുന്നു. എന്നാൽ 1989 -ലെ CMVR റൂൾ 15 -ന്റെ ഉപ ചട്ടം (2) പ്രകാരമുള്ള ഡ്രൈവിംഗ് ടെസ്റ്റിന്റെ ആവശ്യകതയിൽ നിന്ന് ഈ സർട്ടിഫിക്കറ്റ് യാതൊരു വിധ ഇളവും ഉടമയ്ക്ക് നൽകുന്നില്ലെന്ന് അധികൃതർ വ്യക്തമാക്കി.

അതായത് സാധാരണ ഡ്രൈവിംഗ് സ്‌കൂളുകളിൽ നിന്നു നേടുന്ന സർട്ടിഫിക്കറ്റ് ഉപയോഗിച്ച് ആർടിഒ ടെസ്റ്റുകൾ കൂടാതെ ലൈസൻസ് നേടാനാകുമെന്ന് മോഹിക്കണ്ട. ഡ്രൈവിംഗ് ടെസ്റ്റ് ആവശ്യകതയിൽ നിന്നുള്ള ഇളവ് പരിഗണിക്കാതെ തന്നെ, ഡ്രൈവിംഗ് ലൈസൻസ് നൽകാനുള്ള അധികാരം ലൈസൻസിംഗ് അതോറിറ്റിക്കായിരിക്കുമെന്ന് മന്ത്രാലയം വ്യക്തമാക്കിയിട്ടുണ്ട്.

X
Top