മുംബൈ: നടപ്പ് സാമ്പത്തിക വർഷത്തിന്റെ ഒന്നാം പാദത്തിൽ 94.90 ശതമാനം വർദ്ധനവോടെ 9,806.89 കോടി രൂപയുടെ ത്രൈമാസ വരുമാനം രേഖപ്പെടുത്തി അവന്യൂ സൂപ്പർമാർട്ട്സ് (DMart), കഴിഞ്ഞ വർഷം ഇതേ പാദത്തിൽ സ്ഥാപനത്തിന്റെ വരുമാനം 5,031.75 കോടി രൂപയായിരുന്നു. അവന്യൂ സൂപ്പർമാർട്ടിന്റെ ബോർഡ് 2022 ജൂലൈ 9-ന് ഒന്നാം പാദ ഫലങ്ങൾ പരിഗണിക്കും. കൂടാതെ, പ്രസ്തുത പാദത്തിൽ ഡിമാർട്ടിന്റെ ഏകീകൃത അറ്റാദായം 3.13 ശതമാനം വർധിച്ച് 426.83 കോടി രൂപയായപ്പോൾ പ്രവർത്തനങ്ങളിൽ നിന്നുള്ള വരുമാനം 18.55 ശതമാനം വർധിച്ച് 8,786.45 കോടി രൂപയായി.
ഡി-മാർട്ട് സ്റ്റോറുകൾ സ്വന്തമാക്കി പ്രവർത്തിപ്പിക്കുന്ന മുംബൈ ആസ്ഥാനമായുള്ള കമ്പനിയാണ് അവന്യൂ സൂപ്പർമാർട്ട്. ഡി-മാർട്ട് ഒരു ദേശീയ സൂപ്പർമാർക്കറ്റ് ശൃംഖലയാണ്, അത് ഉപഭോക്താക്കൾക്ക് ഒരു കുടക്കീഴിൽ വൈവിധ്യമാർന്ന വ്യക്തിഗത ഉത്പന്നങ്ങൾ വാഗ്ദാനം ചെയ്യുന്നു. 2022 ജൂൺ 30 വരെ കമ്പനിക്ക് മഹാരാഷ്ട്ര, ഗുജറാത്ത്, ദാമൻ, ആന്ധ്രാപ്രദേശ്, കർണാടക, തെലങ്കാന, തമിഴ്നാട്, മധ്യപ്രദേശ്, രാജസ്ഥാൻ, എൻസിആർ, ഛത്തീസ്ഗഡ്, പഞ്ചാബ് എന്നിവിടങ്ങളിൽ 11.5 ദശലക്ഷം ചതുരശ്ര അടി റീട്ടെയിൽ ബിസിനസ് ഏരിയയിൽ 294 ഓപ്പറേറ്റിംഗ് സ്റ്റോറുകളുണ്ട്.
