മുംബൈ: വീടുകൾക്കുള്ള ശക്തമായ ഡിമാൻഡിന്റെ പശ്ചാത്തലത്തിൽ റെസിഡൻഷ്യൽ ബുക്കിംഗ് വിഭാഗത്തിൽ 10 ശതമാനത്തിന്റെ വളർച്ച ലക്ഷ്യമിട്ട് മുൻനിര റിയൽ എസ്റ്റേറ്റ് ഡെവലപ്പറായ ഡിഎൽഎഫ് ലിമിറ്റഡ്. കൂടാതെ അടുത്ത 5 വർഷത്തിനുള്ളിൽ റീട്ടെയിൽ പോർട്ട്‌ഫോളിയോ ഇരട്ടിയാക്കാൻ കമ്പനി ലക്ഷ്യമിടുന്നതായി അതിന്റെ വാർഷിക റിപ്പോർട്ട് സൂചിപ്പിക്കുന്നു.
ഹൗസിംഗ് സെഗ്‌മെന്റ് ശക്തമായ ഡിമാൻഡിന് സാക്ഷ്യം വഹിക്കുന്നത് തുടരുന്നതായും. വർദ്ധിച്ചുവരുന്ന നഗരവൽക്കരണം, താങ്ങാനാവുന്ന വില മെച്ചപ്പെടുത്തൽ, പോസിറ്റീവ് ഉപഭോക്തൃ വികാരങ്ങൾ എന്നിവയിലൂടെ ഭവന ആവശ്യകതയിൽ ഘടനാപരമായ വീണ്ടെടുപ്പ് തുടരുമെന്നും ഡിഎൽഎഫ് ചെയർമാൻ രാജീവ് സിംഗ് പറഞ്ഞു.
മോത്തിലാൽ ഓസ്വാളിന്റെ വിശകലനമനുസരിച്ച് കഴിഞ്ഞ വർഷം ഡിഎൽഎഫിന്റെ പ്രീ-സെയിൽസ് 136 ശതമാനം വർധിച്ച് 7,200 കോടി രൂപയിലെത്തി. വരാനിരിക്കുന്ന ലോഞ്ചുകൾ ഈ ആക്കം നിലനിർത്താൻ ഡി‌എൽ‌എഫിനെ സഹായിക്കുമെന്ന് മോത്തിലാൽ ഓസ്വാൾ കണക്കാക്കുന്നു. അതേസമയം നടപ്പ് സാമ്പത്തിക വർഷത്തിൽ കമ്പനിയുടെ പ്രീ-സെയിൽസ് 8,000 കോടി രൂപയായി ഉയരുമെന്നാണ് പ്രതീക്ഷ.
ആഡംബര വിഭാഗത്തിലെ ശക്തമായ വീണ്ടെടുക്കലും അന്താരാഷ്ട്ര ബ്രാൻഡുകളുടെ വളർച്ചയും പിന്തുണച്ചതോടെ പോർട്ട്‌ഫോളിയോയിലുടനീളമുള്ള പ്രകടമായ പുരോഗതിയോടെ റീട്ടെയിൽ ബിസിനസ്സ് ശക്തമായ തിരിച്ചുവരവ് പ്രകടമാക്കിയതായി സിംഗ് പറഞ്ഞു.
