മുംബൈ: എൻഎസ്ഡിഎൽ ഡാറ്റാബേസ് മാനേജ്‌മെന്റുമായി പങ്കാളിത്തത്തിൽ ഏർപ്പെട്ട് ഡിജെ മീഡിയപ്രിന്റ് & ലോജിസ്റ്റിക്സ്. സ്ഥാപനത്തിന് വിവിധ സേവനങ്ങൾ നൽകുന്നതിനായി ആണ് ഈ പങ്കാളിത്തമെന്ന് ഡിജെ മീഡിയപ്രിന്റ് & ലോജിസ്റ്റിക്സ് അറിയിച്ചു. ഈ അറിയിപ്പിന് പിന്നാലെ കമ്പനിയുടെ ഓഹരികൾ 5 ശതമാനം ഉയർന്ന് 145.35 രൂപയിലാണ് വ്യാപാരം അവസാനിപ്പിച്ചത്.
സഹകരണത്തിന് കീഴിൽ ഡിജെ മീഡിയപ്രിന്റ്, ഡിവിഡന്റ് വാറണ്ടുകൾ ഇസിഎസ് അറിയിപ്പ് കത്തുകൾ ആശയവിനിമയങ്ങൾ എന്നിവയുടെ അച്ചടി, പോസ്റ്റ്/കൊറിയർ വഴി രേഖകൾ അയക്കൽ, ഡിജിറ്റൈസേഷൻ & റെക്കോർഡ് മാനേജ്മെന്റ് സേവനങ്ങൾ തുടങ്ങിയ നിക്ഷേപക ആശയവിനിമയങ്ങൾക്കായി ഉള്ള ഡിസൈനിംഗ് വേരിയബിൾ ഡാറ്റ പ്രോസസ്സിംഗ് സേവനങ്ങൾ എൻഎസ്ഡിഎൽ ഡാറ്റാബേസ് മാനേജ്‌മെന്റിന് നൽകും.
ലോജിസ്റ്റിക്സ് സേവനങ്ങൾ വാഗ്ദാനം ചെയ്യുന്ന ഒരു പ്രമുഖ കമ്പനിയാണ് ഡിജെ മീഡിയപ്രിന്റ് & ലോജിസ്റ്റിക്സ്. പിക്കിംഗ്, പാക്കേജിംഗ്, ഷിപ്പിംഗ്, റെക്കോർഡ് മാനേജ്മെന്റ്, മെയിലിംഗ്, മറ്റ് സപ്ലൈ ചെയിൻ അനുബന്ധ സേവനങ്ങൾ എന്നിവ കമ്പനി വാഗ്ദാനം ചെയ്യുന്നു. ഇത് ലോകമെമ്പാടുമുള്ള ഉപഭോക്താക്കൾക്ക് സേവനം നൽകുന്നു.
