മുംബൈ: കുറച്ച് വർഷങ്ങൾക്ക് മുമ്പ് ഓർക്കിഡ് ഫാർമയെ ഏറ്റെടുത്ത ധനുക ഗ്രൂപ്പ് 2023 മാർച്ചോടെ ഫാർമ കമ്പനിയിലെ 15 ശതമാനം ഓഹരികൾ വിൽക്കാൻ ഒരുങ്ങുന്നു. ഓർക്കിഡ് ഫാർമയിലെ ഹോൾഡിംഗ് കുറയ്ക്കുന്നതിനുള്ള എല്ലാ ഓപ്ഷനുകളും തങ്ങൾ നോക്കുകയാണെന്ന് ധനുക അഗ്രിടെക് എംഡി എം.കെ.ധനുക സിഎൻബിസി-ടിവി 18-നോട് പറഞ്ഞു.
ഓർക്കിഡ് ഫാർമയിലെ ഓഹരി പങ്കാളിത്തം കുറയ്ക്കുന്നതിനുള്ള മാർഗം തങ്ങൾ നോക്കുകയാണെന്നും. അതിന്റെ ഭാഗമായി 2023 മാർച്ചോടെ 15 ശതമാനം ഓഹരികൾ വിൽക്കാൻ തങ്ങൾ ഉദ്ദേശിക്കുന്നതായും അദ്ദേഹം അറിയിച്ചു. ഓഹരി വിൽപ്പനയ്ക്ക് ശേഷം ഓർക്കിഡ് ഫാർമ, ധനുക ലാബ്സ് എന്നിവയെ ലയിപ്പിക്കാൻ ഗ്രൂപ്പ് പദ്ധതിയിടുന്നതായും അദ്ദേഹം പറഞ്ഞു.
1992 ജൂലൈയിൽ സ്ഥാപിതമായ ചെന്നൈ ആസ്ഥാനമായുള്ള ഒരു ഇന്ത്യൻ ഫാർമസ്യൂട്ടിക്കൽ കമ്പനിയാണ് ഓർക്കിഡ് കെമിക്കൽസ് & ഫാർമസ്യൂട്ടിക്കൽസ് ലിമിറ്റഡ്. വിപണി മൂലധനം പ്രകാരം മികച്ച 500 ഇന്ത്യൻ കമ്പനികളിൽ ഒന്നാണ് ഇത്.
