സംസ്ഥാനത്ത് ആദ്യമായി ഡെസ്റ്റിനേഷന് റേറ്റിംഗ് തിരുവനന്തപുരത്ത് ആരംഭിച്ചു. തിരുവനന്തപുരം ജില്ലയിലെ വിനോദസഞ്ചാര കേന്ദ്രങ്ങള് സന്ദര്ശിക്കുന്നവര്ക്ക് തങ്ങളുടെ യാത്രാനുഭവം പങ്കുവെച്ചുകൊണ്ട് റേറ്റിംഗ് രേഖപ്പെടുത്താനുള്ള പുതിയ സംവിധാനമാണ് ‘ഡെസ്റ്റിനേഷന്’ റേറ്റിംഗ്. ടൂറിസം കേന്ദ്രങ്ങളില് സ്ഥാപിച്ചിരിക്കുന്ന ക്യൂ ആര് കോഡ് സ്കാന് ചെയ്ത് സന്ദര്ശകര്ക്ക് റേറ്റിംഗ് രേഖപ്പെടുത്താം.
ജില്ലാ ടൂറിസം പ്രൊമോഷന് കൗണ്സിലിന്റെ കീഴിലുള്ള നെയ്യാര്ഡാം, കാപ്പില്, ശാസ്താംപാറ, വേളി, ശംഖുമുഖം, ആക്കുളം തുടങ്ങിയ കേന്ദ്രങ്ങളിലാണ് ആദ്യ ഘട്ടത്തില് ഡെസ്റ്റിനേഷന് റേറ്റിംഗ് സംവിധാനം ഏര്പ്പെടുത്തിയിട്ടുള്ളത്. ജില്ലയിലെ മറ്റ് കേന്ദ്രങ്ങളിലേക്കും പദ്ധതി വ്യാപിപ്പിക്കും.
ഏറ്റവും മികച്ച റേറ്റിംഗ് ലഭിക്കുന്ന വിനോദസഞ്ചാര കേന്ദ്രത്തിലെ ജീവനക്കാര്ക്ക് പ്രത്യേക പാരിതോഷികവും ജില്ലാ ടൂറിസം പ്രമോഷന് കൗണ്സില് ഏര്പ്പെടുത്തിയിട്ടുണ്ട്.
ജനങ്ങളുടെ അഭിപ്രായങ്ങളും നിര്ദ്ദേശങ്ങളും അറിയുന്നതിലൂടെ ടൂറിസം വകുപ്പിന്റെ പ്രവര്ത്തനങ്ങള് കൂടുതല് കാര്യക്ഷമാക്കുകയാണ് പദ്ധതിയിലൂടെ ലക്ഷ്യമിടുന്നത്.
വിനോദ സഞ്ചാര കേന്ദ്രങ്ങളുടെ പ്രവര്ത്തനം കൂടുതല് മെച്ചപ്പെടുത്താനും പദ്ധതി സഹായകരമാകുമെന്നാണ് പ്രതീക്ഷിക്കുന്നത്.
ജനങ്ങളുടെ അഭിപ്രായങ്ങളാണ് മുന്നോട്ടുള്ള സഞ്ചാരത്തിന് പ്രധാന ഉര്ജ്ജമായി സര്ക്കാര് കാണുന്നതെന്ന് ടൂറിസം വകുപ്പ് മന്ത്രി പി.എ മുഹമ്മദ് റിയാസ് വ്യക്തമാക്കി.
