മുംബൈ: തങ്ങളുടെ പ്ലാറ്റ്ഫോമിലെ ഡീമാറ്റ് അക്കൗണ്ടുകളുടെ എണ്ണം 10 കോടി കടന്നതായി നവംബർ 22-ന് സെൻട്രൽ ഡിപ്പോസിറ്ററി സർവീസസ് അറിയിച്ചു.
സെൻട്രൽ ഡെപ്പോസിറ്ററി സർവീസസ് (ഇന്ത്യ) ലിമിറ്റഡ്, അല്ലെങ്കിൽ CDSL, 1999ലാണ് പ്രവർത്തനം ആരംഭിച്ചത്.
ഇലക്ട്രോണിക് രൂപത്തിൽ സെക്യൂരിറ്റികൾ കൈവശം വയ്ക്കുന്നതിനും ഇടപാടുകൾ നടത്തുന്നതിനും സ്റ്റോക്ക് എക്സ്ചേഞ്ചുകളിലെ ട്രേഡുകൾ സെറ്റിൽമെന്റ് ചെയ്യുന്നതിനും സ്ഥാപനം സൗകര്യമൊരുക്കുന്നു.
10 കോടിയിലധികം ഡീമാറ്റ് അക്കൗണ്ടുകൾ CDSL-ൽ രജിസ്റ്റർ ചെയ്തിരിക്കുന്നതിനാൽ മറ്റൊരു നാഴികക്കല്ല് കൂടി കടന്നതായി ഡിപ്പോസിറ്ററി ഒരു പ്രസ്താവനയിൽ അറിയിച്ചു.
സജീവമായ ഡീമാറ്റ് അക്കൗണ്ടുകളുടെ കാര്യത്തിൽ രാജ്യത്തെ ഏറ്റവും വലിയ ഡിപ്പോസിറ്ററിയാണ് CDSL. കൂടാതെ ഇലക്ട്രോണിക് രൂപത്തിൽ (ഡീമെറ്റീരിയലൈസ്ഡ്) അക്കൗണ്ട് തുറന്ന് സെക്യൂരിറ്റികൾ നിക്ഷേപിക്കാൻ നിക്ഷേപകരെ അനുവദിക്കുകയും ചെയ്യുന്നു.
