മുംബൈ: 2023 സാമ്പത്തിക വർഷത്തിലെ രണ്ടാം പാദത്തിൽ ക്രെഡിറ്റ്ആക്‌സസ് ഗ്രാമീണിന്റെ ഏകീകൃത അറ്റാദായം മുൻ വർഷത്തെ 63.57 കോടി രൂപയിൽ നിന്ന് 170.6% ഉയർന്ന് 172.03 കോടി രൂപയായി.
മൊത്തവരുമാനം മുൻ വർഷം ഇതേ പാദത്തിൽ രേഖപ്പെടുത്തിയ 618.58 കോടിയിൽ നിന്ന് 814.31 കോടി രൂപയായി വർധിച്ചു. കൂടാതെ മൈക്രോഫിനാൻസ് വായ്പക്കാരന്റെ പ്രസ്തുത കാലയളവിലെ നികുതിക്ക് മുമ്പുള്ള ലാഭം 229.01 കോടി രൂപയായി കുത്തനെ ഉയർന്നു.
ഏകീകൃത അടിസ്ഥാനത്തിൽ സ്ഥാപനത്തിന്റെ അറ്റ പലിശ വരുമാനം (NII) 39.9% വർധിച്ച് 516.2 കോടി രൂപയായപ്പോൾ, അറ്റ പലിശ മാർജിൻ (NIM) 12 ശതമാനം ആയി മെച്ചപ്പെട്ടു. 2022 സെപ്‌റ്റംബർ 30ന് അവസാനിച്ച പാദത്തിൽ പ്രീ-പ്രൊവിഷൻ പ്രവർത്തന ലാഭം (പിപിഒപി) മുൻ വർഷം ഇതേ കാലയളവിലെ 218.7 കോടി രൂപയെ അപേക്ഷിച്ച് 52.9 ശതമാനം വർധിച്ച് 334.3 കോടി രൂപയായി.
കമ്പനിയുടെ വിതരണങ്ങൾ 12.5% ഉയർന്ന് 4,375 കോടി രൂപയായി. ഒപ്പം ഈ കാലയളവിലെ ശേഖരണ കാര്യക്ഷമത 97% ആണ്. ഇന്ത്യയിലുടനീളമുള്ള ഗ്രാമീണ മേഖലകളിലെ ഉപഭോക്താക്കൾക്ക് മൈക്രോ-ലോണുകൾ നൽകുന്നതിൽ ശ്രദ്ധ കേന്ദ്രീകരിക്കുന്ന ഒരു മൈക്രോഫിനാൻസ് സ്ഥാപനമാണ് ക്രെഡിറ്റ് ആക്സസ് ഗ്രാമീൻ.
