ന്യൂഡല്ഹി: ജാപ്പനീസ് ടയര് നിര്മ്മാതാക്കളായ ബ്രിഡ്ജ്സ്റ്റോണ് സ്റ്റെഫാനോ സാഞ്ചിനിയെ ഇന്ത്യന് പ്രവര്ത്തനങ്ങളുടെ തലവനായി നിയമിച്ചു.
ഒരു വര്ഷത്തേയ്ക്കാണ് നിയമനം. ആംസ്റ്റര്ഡാമിലേക്ക് (നെതര്ലാന്ഡ്സ്) പോകുന്ന പരാഗ് സത്പുട്ടെയ്ക്ക് പകരക്കാരന് സാഞ്ചിനിയാകുമെന്ന് കമ്പനി അറിയിക്കുകയായിരുന്നു. മിഡില് ഈസ്റ്റ്, ആഫ്രിക്ക വൈസ് പ്രസിഡന്റാണ് നിലവില് സാഞ്ചിനി.
ജനുവരി 1 മുതലായിരിക്കും സാഞ്ചിനി പ്രവര്ത്തനം തുടങ്ങുക. അതേ ദിവസം തന്നെ സത്പുട്ടെ സ്ഥാനമൊഴിയും.
പുതിയ സാങ്കേതികവിദ്യകളിലേക്കും മൊബിലിറ്റി പരിഹാരങ്ങളിലേക്കും നീങ്ങുമ്പോള്, ഇന്ത്യന് വിപണി നിര്ണ്ണായകമാണ്.
ഉപഭോക്തൃ അടിത്തറ വിപുലീകരിക്കുമ്പോള് അതിന് നേതൃത്വം നല്കാന് സാധിക്കുന്നതില് സന്തുഷ്ടനാണ്, സാഞ്ചിനി പറഞ്ഞു.
