കൊച്ചി: ജർമൻ ആഡംബര വാഹന ബ്രാൻഡായ ബിഎംഡബ്ല്യു, കാറുകൾക്ക് മൂന്ന് ശതമാനം വരെ വില വർധവ് പ്രഖ്യാപിച്ചു. സെപ്റ്റംബർ ഒന്നാം തിയ്യതി മുതലാണ് വർധനവ് പ്രാബല്യത്തിൽ വരികയെന്ന് കമ്പനി വാർത്താ കുറിപ്പിൽ അറിയിച്ചു. ബിഎംഡബ്ല്യു 2 സീരീസ് ഗ്രാൻ കൂപ്പെ, ബിഎംഡബ്ല്യു 3 സീരീസ് ലോംഗ് വീൽബേസ്, ബിഎംഡബ്ല്യു 5 സീരീസ് ലോംഗ് വീൽബേസ്, ബിഎംഡബ്ല്യു 7 സീരീസ്, ബിഎംഡബ്ല്യു എക്സ്1, ബിഎംഡബ്ല്യു എക്സ്3, ബിഎംഡബ്ല്യു എക്സ്5, ബിഎംഡബ്ല്യു എക്സ്7, ബിഎംഡബ്ല്യു എം340ഐ, ബിഎംഡബ്ല്യു ഐഎക്സ്1 ലോംഗ് വീൽബേസ് എന്നിവയാണ് കമ്പനി ഇന്ത്യയിൽ തദ്ദേശീയമായി നിർമിക്കുന്ന കാറുകൾ.
ബിഎംഡബ്ല്യു ഐ4, ബിഎംഡബ്ല്യു ഐ5, ബിഎംഡബ്ല്യു ഐ7, ബിഎംഡബ്ല്യു ഐ7 എം70, ബിഎംഡബ്ല്യു ഐഎക്സ്, ബിഎംഡബ്ല്യു സി4 എം40ഐ, ബിഎംഡബ്ല്യു എം2 കൂപ്പെ, ബിഎംഡബ്ല്യു എം4 കോംപറ്റീഷൻ, ബിഎംഡബ്ല്യു എം4 സിഎസ്, ബിഎംഡബ്ല്യു എം5, ബിഎംഡബ്ല്യു എം8 കോംപറ്റീഷൻ കൂപ്പെ, ബിഎംഡബ്ല്യു എക്സ്എം (പ്ലഗ്-ഇൻ-ഹൈബ്രിഡ്) എന്നിവയും പൂർണമായും ബിൽറ്റ്-അപ്പ് യൂണിറ്റുകളായി ബിഎംഡബ്ല്യു വാഗ്ദാനം ചെയ്യുന്നവയാണ്.
ഇന്ത്യയിൽ ബ്രാൻഡ് വാഗ്ദാനം ചെയ്യുന്ന ഏറ്റവും താങ്ങാനാവുന്ന കാറാണ് ബിഎംഡബ്ല്യു 2 സീരീസ് ഗ്രാൻ കൂപ്പെ. 46.90 ലക്ഷം രൂപയാണ് ഈ മോഡലിന്‍റെ പ്രാരംഭ എക്സ്-ഷോറൂം വില. അതേസമയം കമ്പനിയുടെ ഏറ്റവും ചെലവേറിയ ഓഫർ ബിഎംഡബ്ല്യു എക്സ്എം ആണ്. 2.60 കോടി രൂപയാണ് ഈ മോഡലിന്‍റെ പ്രാരംഭ എക്സ്-ഷോറൂം വില. വർഷത്തിന്റെ ആദ്യ പകുതിയിൽ ബിഎംഡബ്ല്യു ഇന്ത്യയുടെ വളർച്ചയും വില്പനയുടെ വേഗതയും ശ്രദ്ധേയമാണെന്ന് ബിഎംഡബ്ല്യു ഗ്രൂപ്പ് ഇന്ത്യ പ്രസിഡന്റും സിഇഒയുമായ വിക്രം പവ പറഞ്ഞു.
എന്നാൽ ആഗോള വിതരണ ശൃംഖലയിൽ പ്രശ്നങ്ങൾ നേരിടുന്നുണ്ട്. തുടർച്ചയായ ഫോറെക്സ് ആഘാതം, ആഗോള വിതരണ ശൃംഖലയിലെ മാറ്റങ്ങൾ തുടങ്ങിയ ഘടകങ്ങൾ മെറ്റീരിയൽ, ലോജിസ്റ്റിക്സ് ചെലവുകൾ വർധിപ്പിച്ചു. എന്നിരുന്നാലും ഉപഭോക്താക്കൾക്ക് മികച്ച മൂല്യവും അനുഭവവും നൽകാനുള്ള തങ്ങളുടെ പ്രതിബദ്ധത ഉറച്ചതാണെന്നും, ഉത്സവ സീസണിൽ കാറുകളുടെ നിരവധി പുതിയ പവർ-പാക്ക്ഡ് പ്രൊഫൈലുകൾ അവതരിപ്പിക്കാൻ ഞങ്ങൾ ഒരുങ്ങുകയാണെന്നും അദ്ദേഹം കൂട്ടിച്ചേർത്തു.
