മുംബൈ: അനലോഗിക് കൺട്രോൾസ് ഇന്ത്യയിലെ (എസിഐഎൽ) കമ്പനിയുടെ ഓഹരി കൈമാറാൻ ഒരുങ്ങി ഭാരത് ഫോർജ്. കമ്പനിയുടെ പൂർണ ഉടമസ്ഥതയിലുള്ള അനുബന്ധ സ്ഥാപനമായ കല്യാണി സ്ട്രാറ്റജിക് സിസ്റ്റംസിനാണ് (കെഎസ്എസ്എൽ) ഭാരത് ഫോർജ് ഓഹരി കൈമാറുന്നത്.
നിർദിഷ്ട ഇടപാടിന് കമ്പനിക്ക് ബോർഡിൻറെ അനുമതി ലഭിച്ചതായി ഭാരത് ഫോർജ് റെഗുലേറ്ററി ഫയലിംഗിൽ അറിയിച്ചു. മികച്ച തന്ത്രപരമായ വിന്യാസത്തിനായി കെഎസ്എസ്എല്ലിന് കീഴിൽ കമ്പനിയുടെ എല്ലാ പ്രതിരോധ ബിസിനസ് സംരംഭങ്ങളും സ്ഥാപിക്കുക എന്നതാണ് ഈ പുനർനിർമ്മാണത്തിന്റെ ലക്ഷ്യം.
ഓട്ടോമൊബൈൽ, പവർ, ഓയിൽ ആൻഡ് ഗ്യാസ്, റെയിൽ, മറൈൻ, എയ്റോസ്പേസ് തുടങ്ങി നിരവധി മേഖലകളിൽ സേവനങ്ങൾ നൽകുന്ന ഒരു ഇന്ത്യൻ ബഹുരാഷ്ട്ര കമ്പനിയാണ് ഭാരത് ഫോർജ് ലിമിറ്റഡ് (BFL). കമ്പനി ഓട്ടോമോട്ടീവ് & നോൺ-ഓട്ടോമോട്ടീവ് മേഖലയ്ക്കായി വിപുലമായ സുരക്ഷ-നിർണായക ഘടകങ്ങൾ നിർമ്മിക്കുന്നു. കഴിഞ്ഞ ദിവസം കമ്പനിയുടെ ഓഹരി 1.28 ശതമാനം ഉയർന്ന് 695.50 രൂപയിലാണ് വ്യാപാരം അവസാനിപ്പിച്ചത്.
