മാർച്ച് മാസം കൂടി പൂർത്തിയാകുന്നതോടെ നടപ്പ് സാമ്പത്തിക വർഷത്തിനും (2023 ഏപ്രിൽ – 2024 മാർച്ച്) തിരശീല വീഴുകയാണ്. വ്യക്തിഗതമായും അല്ലാതെയുമുള്ള നികുതി / ബാങ്ക് സംബന്ധമായ ഇടപാടുകൾക്കും മാർച്ച് മാസം ഏറെ പ്രാധാനമാണ്.
അതുകൊണ്ട് തന്നെ മാർച്ച് മാസത്തിനിടെ വരുന്ന ബാങ്ക് അവധികളെ കുറിച്ച് മുൻകൂട്ടി അറിഞ്ഞിരിക്കുന്നതും ഉപകാരപ്രദമാണ്.
മാർച്ച് മാസത്തിനിടെ മൊത്തം ഒൻപതു ദിവസമാണ് വിവിധ അവധികൾ കാരണം കേരളത്തിലെ ബാങ്കുകൾ പ്രവർത്തനരഹിതമാകുന്നത്. ഇതിൽ ദേശീയ തലത്തിലുള്ള രണ്ട് ബാങ്ക് അവധികളും ഉൾപ്പെടുന്നു.
അതുപോലെ മാർച്ച് മാസത്തിനിടെ ഒരു തവണ തുടർച്ചയായ മൂന്ന് ദിവസം സംസ്ഥാനത്ത് ബാങ്ക് അവധി വരുന്നുണ്ട്. മാർച്ച് മാസത്തിലെ ബാങ്ക് അവധികളെ കുറിച്ച് വിശദമായി നോക്കാം.
പൊതു ബാങ്ക് അവധികൾ
ദേശീയ തലത്തിൽ മാർച്ച് മാസക്കാലയളവിനിടെ രണ്ട് പൊതു ബാങ്ക് അവധികളാണ് വരുന്നത്. മഹാശിവരാത്രി ദിനമായ മാർച്ച് എട്ട് (വെള്ളിയാഴ്ച), ദുഃഖ വെള്ളി ദിനമായ മാർച്ച് 29 തുടങ്ങിയ ദിവസങ്ങളിലാണ് രാജ്യവ്യാപകമായി എല്ലാ വാണിജ്യ ബാങ്കിങ് സ്ഥാപനങ്ങൾക്കും ബാധകമാകുന്ന പൊതു അവധികൾ കടന്നുവരുന്നത്.
ഞായറും രണ്ടും നാലും ശനികളും
രാജ്യത്തെ കേന്ദ്ര ബാങ്കായ റിസർവ് ബാങ്ക് ഓഫ് ഇന്ത്യയുടെ (ആർബിഐ) കീഴിൽൽ വരുന്ന എല്ലാ വാണിജ്യ ബാങ്കിങ് സ്ഥാപനങ്ങൾക്കും ഓരോ മാസത്തേയും രണ്ടാം ശനിയാഴ്ചകളിലും നാലാം ശനിയാഴ്ചകളിലും അവധി നൽകിയിട്ടുണ്ട്.
ഇതു പ്രകാരം രണ്ടാം ശനിയാഴ്ചയായ മാർച്ച് 9, നാലാം ശനിയാഴ്ചയായ മാർച്ച് 23നും ബാങ്കുകൾ പ്രവർത്തിക്കുകയില്ല. ഇതിനോടൊപ്പം മാർച്ച് മാസത്തെ ഞായറാഴ്ചകളായ 3, 10, 17, 24, 31 തീയതികളിലും സംസ്ഥാനത്തെ സ്വകാര്യ / പൊതുമേഖല ബാങ്കിങ് സ്ഥാപനങ്ങൾക്ക് അവധിയായിരിക്കും.
കേരളം : മാർച്ചിലെ ബാങ്ക് അവധികൾ
മാർച്ച് 3 : ഞായറാഴ്ച
മാർച്ച് 8 : മഹാശിവരാത്രി
മാർച്ച് 9 : രണ്ടാം ശനിയാഴ്ച
മാർച്ച് 10 : ഞായറാഴ്ച
മാർച്ച് 17 : ഞായറാഴ്ച
മാർച്ച് 23 : നാലാം ശനിയാഴ്ച
മാർച്ച് 24 : ഞായറാഴ്ച
മാർച്ച് 29 : ദുഃഖവെള്ളി
മാർച്ച് 31 : ഞായറാഴ്ച
