കൊച്ചി: 2022 ജൂൺ പാദത്തിൽ ബജാജ് ഫിൻസെർവിന്റെ നികുതിക്ക് ശേഷമുള്ള ഏകീകൃത ലാഭം കഴിഞ്ഞ വർഷം ഇതേ പാദത്തിലെ 833 കോടി രൂപയുമായി താരതമ്യം ചെയ്യുമ്പോൾ 57 ശതമാനം (YoY) വർധിച്ച് 1,309 കോടി രൂപയായി. ലാഭ കണക്കിൽ ഇൻഷുറൻസ് സബ്സിഡിയറികളുടെ യാഥാർത്ഥ്യമാക്കാത്ത എംടിഎം നഷ്ടമായ 283 കോടി രൂപ ഉൾപ്പെടുന്നു. ഈ പാദത്തിലെ ഏകീകൃത മൊത്ത വരുമാനം കഴിഞ്ഞ വർഷം ഇതേ പാദത്തിലെ 13,949 കോടി രൂപയുമായി താരതമ്യം ചെയ്യുമ്പോൾ 14 ശതമാനം ഉയർന്ന് 15,888 കോടി രൂപയായി.
ബജാജ് ഗ്രൂപ്പിന് കീഴിലുള്ള വിവിധ സാമ്പത്തിക സേവന ബിസിനസുകൾക്കുള്ള ഹോൾഡിംഗ് കമ്പനിയാണ് ബജാജ് ഫിൻസെർവ്. കമ്പനിയുടെ മാനേജ്മെന്റിന് കീഴിലുള്ള ആസ്തി (എയുഎം) 2,00,000 കോടി രൂപ കടന്നതായും 2,04,018 കോടി രൂപയിലെത്തിയതായും ബജാജ് ഫിൻസെർവ് പറഞ്ഞു. എയുഎം വളർച്ച, ഉയർന്ന അറ്റ പലിശ വരുമാനം, മെച്ചപ്പെട്ട ആസ്തി പ്രകടനം എന്നിവ കാരണം, ജൂൺ പാദത്തിൽ നികുതിക്ക് ശേഷമുള്ള എക്കാലത്തെയും ഉയർന്ന ത്രൈമാസ ഏകീകൃത ലാഭം രേഖപ്പെടുത്തിയാതായി കമ്പനി അറിയിച്ചു. 2,596 കോടി രൂപയായിരുന്നു കമ്പനിയുടെ ഏകികൃത ലാഭം.
സ്ഥാപനത്തിന്റെ പൂർണ ഉടമസ്ഥതയിലുള്ള സബ്സിഡിയറിയായ ബജാജ് ഫിനാൻസ് നികുതിക്ക് ശേഷമുള്ള ലാഭത്തിൽ 96 ശതമാനം വളർച്ച രേഖപ്പെടുത്തിയിരുന്നു. അതേസമയം, ബജാജ് അലയൻസ് ജനറൽ ഇൻഷുറൻസ് കമ്പനിയുടെ ലാഭം 147 ശതമാനം ഉയർന്ന് 411 കോടി രൂപയായി. 1 രൂപ മുഖവിലയുള്ള ഒരു ഇക്വിറ്റി ഷെയറിനെതിരെ 1 രൂപ വീതം മുഖവിലയുള്ള ഒരു പൂർണ്ണമായി പണമടച്ച ബോണസ് ഇക്വിറ്റി ഓഹരി ഇഷ്യൂ ചെയ്യുന്നതിന് അംഗീകാരം നൽകിയതായി കമ്പനി അറിയിച്ചു.
