ന്യൂഡല്ഹി: പ്രമുഖ എന്ബിഎഫ്സി (നോണ് ബാങ്കിംഗ് ഫിനാന്സ് കമ്പനി), ബജാജ് ഫിനാന്സ് ഒന്നാംപാദ ഫലങ്ങള് പ്രഖ്യാപിച്ചു. 3436.89 കോടി രൂപയാണ് അറ്റാദായം. മുന്വര്ഷത്തെ സമാന പാദത്തെ അപേക്ഷിച്ച് 32.4 ശതമാനം അധികം.
അറ്റ പലിശ വരുമാനം (എന്ഐഐ) 26 ശതമാനമുയര്ന്ന് 8398 കോടി രൂപയായപ്പോള് മൊത്തം നിഷ്ക്രിയ ആസ്തി (എന്പിഎ) 0.94 ശതമാനത്തില് നിന്നും 0.87 ശതമാനമായി.അറ്റ നഷ്ക്രിയ ആസ്തി 0.34 ശതമാനത്തില് നിന്നും 0.31 ശതമാനമായി മെച്ചപ്പെട്ടിട്ടുണ്ട്.
അതേസമയം വായ്പാ നഷ്ടവും പ്ര1വിഷനുകളും 755 കോടി രൂപയില് നിന്ന് 995 കോടി രൂപയായി ഉയര്ന്നു. 3.18 ശതമാനം വര്ധന. 2023 ജൂണ് 30 വരെ മൂന്നാം ഘട്ട ആസ്തികളില് കമ്പനിക്ക് 65 ശതമാനം പ്രൊവിഷനിംഗ് കവറേജ് അനുപാതമുണ്ട്.
ഏകീകൃത അടിസ്ഥാനത്തില് കമ്പനിയുടെ ആസ്തി അണ്ടര് മാനേജ്മെന്റ് (എയുഎം) 2.70 ലക്ഷം കോടി രൂപയാണ്. എയുഎം മുന്വര്ഷത്തെ 2.04 ലക്ഷം കോടി രൂപയില് നിന്നും 32 ശതമാനം ഉയര്ന്നു. അറ്റാദായവും പ്രതീക്ഷിച്ചതിലും ഉയര്ന്നതാണ്.
3287 കോടി രൂപ മാത്രമാണ് ബ്രോക്കറേജ് സ്ഥാപനങ്ങള് കണക്കുകൂട്ടിയിരുന്നത്.
