ന്യൂഡല്‍ഹി: മുന്‍ ബിപിസിഎല്‍ ചെയര്‍മാന്‍ അരുണ്‍ കുമാര്‍ സിംഗ്, ഓയില്‍ ആന്റ് നാച്വറല്‍ ഗ്യാസ് കോര്‍പറേഷന്‍ (ഒഎന്‍ജിസി) ചെയര്‍മാനായി നിയമിതനായി.60 വയസ് കഴിഞ്ഞ ഒരു വ്യക്തി വ്യത്യസ്ത പബ്ലിക് കമ്പനികളുടെ തലപ്പത്ത് എത്തുന്നത് ഇതാദ്യമാണ്. ആറ് പേരെ ഇന്റര്‍വ്യൂ ചെയ്ത ശേഷമാണ് ഓയില്‍ മിനിസ്ട്രി സിംഗിലേയ്ക്ക് എത്തിച്ചേര്‍ന്നതെന്ന് റിപ്പോര്‍ട്ട് പറയുന്നു.
കഴിഞ്ഞമാസമാണ് സംഗ് ബിപിസിഎല്ലില്‍ നിന്നും വിരമിച്ചത്. നിലവില്‍ പെട്രോളിയം ആന്റ് നാച്ച്വറല്‍ ഗ്യാസ് റെഗുലേറ്ററി ബോര്‍ഡ് (പിഎന്‍ജിആര്‍ബി)യുടെ തലവനായി പ്രവര്‍ത്തിക്കുകയാണ് അദ്ദേഹം. തെരഞ്ഞെടുപ്പ് സര്‍ക്കാര്‍ ശരിവയ്ക്കുകയാണെങ്കില്‍ ഒഎന്‍ജിസിയുടെ ചെയര്‍മാനായി 3 വര്‍ഷം അദ്ദേഹത്തിന് പ്രവര്‍ത്തിക്കാനാകും.
2021 മുതല്‍ ഓയില്‍ ആന്റ് നാച്ച്വറല്‍ ഗ്യാസ് കോര്‍പറേഷന്‍ (ഒഎന്‍ജിസി) ചെയര്‍മാനും മാനേജിംഗ് ഡയറക്ടറുമില്ലാതെയാണ് പ്രവര്‍ത്തിച്ചുവരുന്നത്. ഒരു മുതിര്‍ന്ന ബോര്‍ഡ് അംഗമാണ് ഇപ്പോള്‍ ചെയര്‍മാന്റെ കടമകള്‍ നിര്‍വഹിക്കുന്നത്. ഇതുവരെ മൂന്ന് പേര്‍ ഇത്തരത്തില്‍ ജോലി ചെയ്തു.
