ന്യൂഡല്ഹി: പതിനൊന്നാം തലമുറ കിന്ഡില് അവതരിപ്പിച്ചുകൊണ്ട് ഇന്ത്യയില് കിന്ഡില് ഇ-റീഡറുകളുടെ ശ്രേണി വിപുലീകരിച്ചിരിക്കയാണ് ആമസോണ്.
ഏറ്റവും പുതിയ ആമസോണ് കിന്ഡില് 6 ആഴ്ച വരെ ബാറ്ററി ലൈഫുള്ള 300 പിപിഐ ഉയര്ന്ന റെസലൂഷന് 6 ഇഞ്ച് ഡിസ്പ്ലേയാണ്. ആമസോണ് കിന്ഡില് 2022 ന് 9,999 രൂപ വിലയുണ്ട്.
ആമുഖ ഓഫറിന്റെ ഭാഗമായി, ഇ-റീഡര് ഡിസ്കൗണ്ട് വിലയായ 8,999-രൂപയില് വാങ്ങാം. ഇതൊരു പരിമിതകാല ഓഫറാണ്. കറുപ്പ്, ഡെനിം എന്നിങ്ങനെ രണ്ട് വര്ണ്ണ ഓപ്ഷനുകളില് ഉപകരണം വാഗ്ദാനം ചെയ്യുന്നു.
ആമസോണ് ഇന്ത്യ വെബ്സൈറ്റ് വഴി ഇത് വാങ്ങാം. പുതിയ കിന്ഡിലിനായി പുതിയ ഫാബ്രിക് കവറുകള് കമ്പനി അവതരിപ്പിച്ചു. ബ്ലാക്ക്, റോസ്, ഡെനിം, ഡാര്ക്ക് എമറാള്ഡ് എന്നിവ ഇതില് ഉള്പ്പെടുന്നു. അവയുടെ വില 1,799 രൂപ.
