മുംബൈ: സെപ്റ്റംബർ പാദത്തിൽ ആദിത്യ ബിർള മണിയുടെ പ്രവർത്തനങ്ങളിൽ നിന്നുള്ള വരുമാനം 18.5 ശതമാനം വർധിച്ച് 68.19 കോടി രൂപയായി ഉയർന്നു. തൽഫലമായി അറ്റാദായം 9.70 കോടി രൂപയായി വർധിച്ചു. അറ്റാദായത്തിൽ 51% വർധനയാണ് കമ്പനി രേഖപ്പെടുത്തിയത്.
ഈ മികച്ച രണ്ടാം പാദ ഫലത്തിന് പിന്നാലെ ആദിത്യ ബിർള മണി ഓഹരികൾ 2.70% ഉയർന്ന് 65.60 രൂപയിലെത്തി. ത്രൈമാസത്തിലെ മൊത്തം ചെലവുകൾ വർഷം തോറും 16.7 ശതമാനം ഉയർന്ന് 57.13 കോടി രൂപയായി. കൂടാതെ 2022 സാമ്പത്തിക വർഷത്തിലെ 9.09 കോടിയിൽ നിന്ന് 50.3 ശതമാനം വർധിച്ച് നികുതിക്ക് മുമ്പുള്ള ലാഭം 13.66 കോടി രൂപയായി.
സ്റ്റോക്ക് ബ്രോക്കിംഗ്, ക്യാപിറ്റൽ മാർക്കറ്റ് ഉൽപ്പന്ന വിതരണക്കാരാണ് ആദിത്യ ബിർള കാപ്പിറ്റലിന്റെ ഉപസ്ഥാപനമായ ആദിത്യ ബിർള മണി ലിമിറ്റഡ് (ABML). കമ്പനി എൻഎസ്ഇ, ബിഎസ്ഇ എന്നിവയിലൂടെ ഇക്വിറ്റിയും ഡെറിവേറ്റീവ് ട്രേഡിംഗും എംസിഎക്സ്-എസ്എക്സ്ലെയിലൂടെ കറൻസി ഡെറിവേറ്റീവും എംസിഎക്സ്, എൻസിഡിഇഎക്സിലൂടെ ചരക്ക് വ്യാപാരവും വാഗ്ദാനം ചെയ്യുന്നു.
