ന്യൂഡല്ഹി: ഐടി ഭീമന്മാരായ ടിസിഎസും എച്ച്സിഎല് ടെക്കും തങ്ങളുടെ ജൂണ് പാദ കണക്കുകള് ബുധനാഴ്ച പ്രഖ്യാപിക്കുന്നതോടെ, 2024 സാമ്പത്തിക വര്ഷത്തിന്റെ ആദ്യ പാദ വരുമാന സീസണ് ആരംഭിക്കും. ആഭ്യന്തര സമ്പദ്വ്യവസ്ഥ അധിഷ്ഠിത മേഖലകളായ ബിഎഫ്എസ്ഐ (ബാങ്കിംഗ്,ഫിനാന്സ് സര്വീസസ്,ഇന്ഷൂറന്സ്), വ്യാവസായം,വാഹനം എന്നിവ വരുമാനത്തില് മുന്നില് നില്ക്കാന് സാധ്യതയുണ്ട്,ബ്രോക്കറേജ് സ്ഥാപനം മോതിലാല് ഓസ്വാള് പറയുന്നു. 25 ശതമാനം വളര്ച്ചയാണ് നിഫ്റ്റി കമ്പനികളുടെ വരുമാനത്തില് പ്രതീക്ഷിക്കപ്പെടുന്നത്.
മാര്ക്കറ്റിംഗ് മാര്ജിന് മെച്ചപ്പെടുന്നതിനാല് ഓയില് ആന്റ് ഗ്യാസ് 3 മടങ്ങ് അധിക ലാഭം റിപ്പോര്ട്ട് ചെയ്യും. വാഹന മേഖല വരുമാനത്തില് 11 ശതമാനം വളര്ച്ചയാണ് കണക്കുകൂട്ടുന്നത്. പണപ്പെരുപ്പം കുറഞ്ഞത് എഫ്എംസിജി,വാഹനം,ഹെല്ത്ത് കെയര് എന്നിവയില് ഏകദേശം 80 ബിപിഎസ് മാര്ജിന് മെച്ചപ്പെടുത്തലിലേയ്ക്ക് നയിച്ചേയ്ക്കാം, ബ്രോക്കറേജ് സ്ഥാപനം അറിയിക്കുന്നു.
അതേസമയം വരുമാന സമ്മര്ദ്ദം രൂക്ഷമാണ്. പ്രത്യേകിച്ചും കയറ്റുമതിയും ഉപഭോഗ ആവശ്യകതയും മന്ദഗതിയിലായതിനാല്. എഫ്എംസിജി, ആഭ്യന്തര ഓട്ടോകള്, സിമന്റ്, ടെലികോം, ഇന്റര്നെറ്റ് തുടങ്ങിയ മാര്ജിന് സെന്സിറ്റീവ് മേഖലകളെയാണ് ഇത് കൂടുതല് ബാധിക്കുക, നുവാമ പ്രതീക് പരേഖ് പറഞ്ഞു.
വിവിധ ബ്രോക്കറേജുകളുടെ കണക്കുകള് പ്രകാരം, കുറഞ്ഞത് 26 കമ്പനികള് ഈ പാദത്തില് വാര്ഷിക അടിസ്ഥാനത്തില് കുറഞ്ഞത് 100% ലാഭവര്ദ്ധനവ് റിപ്പോര്ട്ട് ചെയ്യും.വാഹന വിഭാഗത്തില് ഇത് ആറ് കമ്പനികളാണ്.അപ്പോളോ ടയേഴ്സിന്റെ ലാഭം 114 ശതമാനമുയര്ന്ന് 407.9 കോടി രൂപയാകുമ്പോള് സിയറ്റ് അറ്റാദായത്തില് 1288.3 ശതമാനത്തിന്റെ റെക്കോര്ഡ് വര്ധനവാണ് രേഖപ്പെടുത്തുക.
ഇന്ത്യയിലെ ഏറ്റവും വലിയ കാര് നിര്മാതാക്കളായ മാരുതി സുസുക്കി ലാഭം 123 ശതമാനം ഉയര്ന്ന് 2,261 കോടി രൂപയിലെത്തുമെന്നും പ്രതീക്ഷിക്കപ്പെടുന്നു. സംവര്ദ്ധന മദര്സണ് അറ്റാദായം മൂന്നിരട്ടിയാക്കിയാണ് വര്ദ്ധിപ്പിക്കുക.പ്രതീക്ഷിക്കുന്ന ലാഭം 440 കോടി രൂപ.
എബിറ്റ മാര്ജിന് മെച്ചപ്പെട്ടതിന്റെ അടിസ്ഥാനത്തില് എംആര്എഫ് ലാഭത്തില് 230% വര്ദ്ധനവ് റിപ്പോര്ട്ട് ചെയ്യുമെന്ന് മോത്തിലാല് ഓസ്വാള് പറയുന്നു. ഉപഭോക്തൃ കമ്പനികളില്, പി & ജി ഹൈജീന് ത്രൈമാസ അറ്റാദായം 103 ശതമാനത്തിലധികം ഉയര്ത്തി 86.6 കോടി രൂപയാക്കും.ഫാര്മ കമ്പനികള് ആദ്യ പാദത്തില് വരുമാനം / ഇബിഐടിഡിഎ / പിഎടി വളര്ച്ച 15% / 33% / 28% വളര്ച്ച റിപ്പോര്ട്ട് ചെയ്യുമെന്ന് ഐസിഐസിഐ സെക്യൂരിറ്റീസ് പറഞ്ഞു.
പുതിയ ലോഞ്ചുകള്, പ്രധാന ഉല്പ്പന്നങ്ങളിലെ വിപണി വിഹിത വിപുലീകരണം, യുഎസിലെയും ഇന്ത്യയിലെയും ഏറ്റെടുക്കല് എന്നീ ഘടകങ്ങളാണ് ഇതിന് കമ്പനികളെ സഹായിക്കുക. സൈഡസ് ലൈഫ് സയന്സസ് ലാഭം ഇരട്ടിയാക്കുമ്പോള് ആല്ക്കെമിന്റെ ലാഭം 114.6 ശതമാനം ഉയര്ന്ന് 273.9 കോടി രൂപയാകും. സൈഡസ് 835.6 കോടി രൂപ അറ്റാദായം രേഖപ്പെടുത്തുമെന്നാണ് പ്രതീക്ഷ.
ഉയര്ന്ന ജി റെവ്ലിമിഡ് വില്പ്പന, മെയ്ന് ഫാര്മ ഏറ്റെടുക്കല്, ജിസുബോക്സോണിലെ ഓഹരി നേട്ടം എന്നിവയില് ഡോ.റെഡ്ഡീസ് കോര് നികുതി കഴിച്ചുള്ള ലാഭത്തില് 119 ശതമാനം വര്ദ്ധനവ് രേഖപ്പെടുത്തിയേക്കാം. അലെംബിക് ഫാര്മയുടെ അറ്റാദായം 191 ശതമാനം ഉയര്ന്ന് 134.7 കോടി രൂപയാകുമെന്നും പ്രതീക്ഷിക്കപ്പെടുന്നു. ഭവന വിലയിലും (5-7% YoY) മോര്ട്ട്ഗേജ് നിരക്കുകളിലും വര്ദ്ധനവുണ്ടായിട്ടും റെസിഡന്ഷ്യല് വില്പ്പന 36% YoY (ഏറ്റവും ഉയര്ന്ന ത്രൈമാസ ഡിമാന്ഡ്) മെച്ചപ്പെട്ടിട്ടുണ്ട്.
അതുകൊണ്ടുതന്നെ ഗോദ്റേജ് പ്രോപ്പര്ട്ടിസ് അറ്റാദായം 582.2 കോടി രൂപയും ശോഭ 35.2 കോടി രൂപയുമാക്കും. യഥാക്രമം 1244 ശതമാനവും 582.2 ശതമാനവും വര്ദ്ധനവാണിത്. മാക്രോടെക് ഡെവലപ്പേഴ് സ് അറ്റാദായത്തില് 216.7 ശതമാനം വര് ധനവ് രേഖപ്പെടുത്തുമെന്നും ശോഭ 620.6 ശതമാനം വളര് ച്ച കൈവരിക്കുമെന്നും മോത്തിലാല് പ്രതീക്ഷിക്കുന്നു.
മാക്രോടെക്, പ്രസ്റ്റീജ്, ഗോദ്റെജ് പ്രോപ്പര്ട്ടീസ് എന്നിവയെ ബ്രോക്കറേജ് സ്ഥാപനം മുന്ഗണനാ കമ്പനികളായി തിരഞ്ഞെടുത്തു. റീട്ടെയില് മേഖലയില് ട്രെന്റ് ശക്തമായ പ്രകടനം തുടരും. ലാഭത്തില് 163.4 ശതമാനവും വരുമാനത്തില് 50 ശതമാനവും വര്ദ്ധനവാണ് പ്രതീക്ഷിക്കപ്പെടുന്നത്.
ബാങ്ക് മേഖലയില്, എസ്ബിഐ അറ്റാദായം 175 ശതമാനമുയര്ത്തുമ്പോള് പഞ്ചാബ് നാഷണല് ബാങ്ക്, അറ്റാദായം 234 ശതമാനവും ഇക്വിറ്റാസ് സ്മോള് ഫിനാന്സ് ബാങ്ക് 105.6 ശതമാനവുമാക്കുമെന്നാണ് പ്രതീക്ഷ. എന്ബിഎഫ്സി മേഖലയില് മഹീന്ദ്ര ആന്റ് മഹീന്ദ്ര ഫിനാന്ഷ്യല്സ് അറ്റാദായം 106.6 ശതമാനം വര്ദ്ധിപ്പിക്കുമെന്ന് മോതിലാല് ഓസ്വാള് പ്രതീക്ഷിക്കുന്നു.
ഓയില് ആന്റ് ഗ്യാസ് മേഖലയില് ബിപിസിഎല് 241 ശതമാനവും എച്ച്പിസിഎല് 146 ശതമാനവും ഐഒസി 666 ശതമാനവും ലാഭമുയര്ത്തും. ഇന്ഡസ് ടവര് 189 ശതമാനം ലാഭവളര്ച്ച നേടുമ്പോള് ജസ്റ്റ് ഡയലിന്റെ നികുതി കഴിച്ചുള്ള ലാഭം 279 ശതമാനവും ഹിറ്റാച്ചി എനര്ജിയുടേത് 508 ശതമാനവും ഉയരാന് സാധ്യതയുണ്ട്.
