പാലക്കാട്: ജില്ലയിൽ ആയിരം ബിപിഎൽ കണക്ഷനുകൾ പൂർത്തിയാക്കി കേരള സർക്കാരിന്റെ കെ-ഫോൺ പദ്ധിതി. ജില്ലയിൽ സാമ്പത്തികമായി പിന്നോക്കം നിൽക്കുന്ന 1050 കടുംബങ്ങൾക്കാണ് കെ-ഫോൺ സൗജന്യ കണക്ഷനുകൾ നൽകിയിരിക്കുന്നത്. ബിപിഎൽ കണക്ഷനുകൾക്ക് പുറമെ വീടുകളിലും ഓഫീസുകളിലും വാണിജ്യ സ്ഥാപനങ്ങളിലുമൊക്കെയായി ജില്ലയില് മികച്ച രീതിയിലുള്ള മുന്നേറ്റമാണ് കെ-ഫോൺ നടത്തുന്നത്. പാലക്കാട് ജില്ലയില് കെ-ഫോണ് പദ്ധതി വഴി ഇതിനോടകം 8584 കണക്ഷനുകള് നല്കിയിട്ടുണ്ട്. കേരളത്തിലെ ആദിവാസി മേഖലകളെ മുഴുവന് ഡിജിറ്റലൈസ് ചെയ്യാന് ലക്ഷ്യമിട്ട് കെഫോണ് നടത്തുന്ന കണക്ടിംഗ് ദി അണ് കണക്റ്റഡ് പദ്ധതിയുടെ ഭാഗമായി അട്ടപ്പാടിയിലെ 535 ഓളം കുടുംബങ്ങൾക്കും ഇന്റർനെറ്റ് ലഭ്യമാക്കിയിട്ടുണ്ട്. കൂടാതെ ജില്ലയിലെ മലയോര മേഖലകളായ മലമ്പുഴ, കവ, ആനക്കല്, ധോണി തുടങ്ങിയ സ്ഥലങ്ങളിലടക്കം കെ-ഫോണ് കണക്ഷനുകള് ലഭ്യമാണ്.
