ആലപ്പുഴ: സംസ്ഥാന സർക്കാരിന്റെ സഹായത്തോടെ കയർ ഭൂവസ്ത്രത്തിന്റെ 1.54 കോടി രൂപയുടെ വാങ്ങല് കരാർ കേരള സ്റ്റേറ്റ് കയർ കോർപ്പറേഷന്(Coir Corporation) ലഭിച്ചു.
ഒഡീഷയിലെ ഗോള്ഡ് കാറ്റഗറി പൊതുമേഖലാ സ്ഥാപനമായ ക്രോമൈറ്റ് മൈനില് കയർ ഭൂവസ്ത്രം വിരിയ്ക്കുന്നതിനുള്ള കരാറാണ് ലഭിച്ചത്.
കഴിഞ്ഞ വർഷം ഒഡീഷയിലെ മൈനുകളില് കയർ ഭൂവസ്ത്രം വിരിയ്ക്കുന്നതിനുള്ള പൈലറ്റ് പ്രോജക്ട് വിജയകരമായി നടപ്പിലാക്കിയിരുന്നു.
ഇതിന്റെ തുടർച്ചയായി ഒഡീഷയിലെ വിവിധ മൈനിംഗ് സ്ഥാപനങ്ങളുമായി നടത്തിയ ചർച്ചയാണ് വിജയമായതെന്ന് കയർ കോർപ്പറേഷൻ ചെയർമാൻ ജി.വേണുഗോപാല്, മാനേജിംഗ് ഡയറക്ടർ ഡോ. പ്രതീഷ് ജി.പണിക്കർ എന്നിവർ അറിയിച്ചു.
