ബെംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളത്തിന് സമീപം 300 ഏക്കർ സ്ഥലത്ത് സ്ഥിതി ചെയ്യുന്ന ഫോക്സ്കോണിന്റെ നിർമ്മാണ കേന്ദ്രത്തിന്റെ പ്രാരംഭ പ്രവർത്തനങ്ങൾ നടന്നുവരികയാണ്.
ദേവനഹള്ളി താലൂക്കിലെ ദൊഡ്ഡബല്ലാപ്പൂരിലെ ഇൻഫർമേഷൻ ടെക്നോളജി ഇൻവെസ്റ്റ്മെന്റ് റീജിയൻ (ഐടിഐആർ) വ്യാവസായിക മേഖലയിലാണ് നിർമാണ കേന്ദ്രം സ്ഥാപിക്കുന്നതെന്ന് അധികൃതർ പറഞ്ഞു.
അടുത്ത ദശാബ്ദത്തിനുള്ളിൽ ഒരു ലക്ഷം തൊഴിലവസരങ്ങൾ സൃഷ്ടിക്കുമെന്ന് പ്രതീക്ഷിക്കുന്ന നിർമ്മാണ പ്ലാന്റ് സ്ഥാപിക്കുന്നതിനായി 8,500 കോടി രൂപയുടെ നിക്ഷേപമാണ് ഫോക്സ്കോൺ നടത്തുന്നത്.നിക്ഷേപം മൂന്ന് ഘട്ടങ്ങളിലായി വ്യാപിപ്പിക്കും. ഒന്നാം ഘട്ടത്തിൽ (2023-2024) 3,000 കോടി രൂപയും രണ്ടാം ഘട്ടത്തിൽ 4,000 കോടി രൂപയും (2025-2026), മൂന്നാം ഘട്ടത്തിൽ 1,000 കോടി രൂപയും (2026-2027) നിക്ഷേപിക്കുമെന്ന് പ്രതീക്ഷിക്കുന്നു.
മാർച്ച് 20 ന്, കർണാടക സർക്കാർ ഫോക്സ്കോണുമായി ധാരണാപത്രം (എംഒയു) ഒപ്പുവച്ചു, അതിൽ ഒരു മൊബൈൽ നിർമ്മാണ യൂണിറ്റിനായി 8,000 കോടി രൂപ നിക്ഷേപിക്കാൻ കമ്പനി പ്രതിജ്ഞാബദ്ധമാണ്, ഇത് സംസ്ഥാനത്ത് 50,000 പേർക്ക് തൊഴിലവസരങ്ങൾ നൽകും.
