വാട്സാപ്പ് വിന്ഡോസ് ആപ്പിന്റെ പുതിയ അപ്ഡേറ്റില് ഒട്ടേറെ മാറ്റങ്ങള് അവതരിപ്പിച്ചു. പുതിയ ആപ്പ് വേഗത്തില് ലോഡ് ആവും. എട്ട് അംഗങ്ങളെ ഉള്പ്പെടുത്തി വീഡിയോകോള് ചെയ്യാനും 32 പേരെ ഉള്പ്പെടുത്തി ഓഡിയോകോള് ചെയ്യാനുമാവും.
മൊബൈല് പതിപ്പിന് സമാനമായ രീതിയിലാണ് വിന്ഡോസ് പതിപ്പ് തയ്യാറാക്കിയിരിക്കുന്നത്. മള്ടി ഡിവൈസ് സിങ്കും പുതിയ പതിപ്പ് പിന്തുണയ്ക്കും. അതായത് ഫോണില്ലാതെയും വാട്സാപ്പ് വിന്ഡോസ് ആപ്പ് ഉപയോഗിക്കാനാവും. ലിങ്ക് പ്രിവ്യൂ, സ്റ്റിക്കറുകള് പോലുള്ള ഫീച്ചറുകളും ലഭിക്കും.
അതേസമയം ആന്ഡ്രോയിഡ് ടാബ്ലറ്റുകള്, മാക്ക് ഡെസ്ക് ടോപ്പുകള് എന്നിവയ്ക്കുള്ള പുതിയ ബീറ്റാ ഫീച്ചറുകളും വാട്സാപ്പ് പരീക്ഷിക്കുന്നുണ്ട്.
വീഡിയോ, ഓഡിയോ കോള് അംഗങ്ങളുടെ എണ്ണത്തില് പിന്നീട് വര്ധനവുണ്ടാകുമെന്നും വാട്സാപ്പ് പറയുന്നു.
