മൊബൈൽ നമ്പർ കിട്ടിയാൽ ആൾ വാട്സാപ്പിലുണ്ടോ എന്നു തിരഞ്ഞുനോക്കുന്ന സംവിധാനം അവസാനിപ്പിക്കാൻ മെറ്റ ഉപയോക്താക്കൾക്കായി വ്യക്തിഗത യൂസർനെയിമുകൾ അവതരിപ്പിക്കുന്നു.
സ്വകാര്യത സംരക്ഷിക്കാനുള്ള സുപ്രധാന ചുവടുവയ്പായ ഈ മാറ്റത്തോടെ ഓരോരുത്തർക്കും യൂസർനെയിം സൃഷ്ടിക്കാം. ടെലിഗ്രാം മെസഞ്ചറിലേതുപോലെ നമ്പർ സ്വകാര്യമാക്കി വച്ചുകൊണ്ട് യൂസർനെയിം ഉപയോഗിക്കാനും വഴിയൊരുങ്ങുമെന്നാണ് സൂചന.
യൂസർനെയിം വരുന്നതോടെ ഗ്രൂപ്പ് ചാറ്റുകളിൽ ആളെ തിരിച്ചറിയാനും എളുപ്പമുണ്ടാകും. വാട്സാപ്പിന്റെ ആൻഡ്രോയ്ഡ് ബീറ്റ വേർഷൻ 2.23.11.15ലാണ് പുതിയ മാറ്റം അവതരിപ്പിച്ചിട്ടുള്ളത്.
