കൊച്ചി: ഒക്ടോബർ മുതല്‍ ഡിസംബർ വരെയുള്ള മൂന്ന് മാസത്തില്‍ അമേരിക്കയുടെ മൊത്തം ആഭ്യന്തര ഉത്പാദനത്തിലെ(ജി.ഡി.പി) വളർച്ച നിരക്ക് 1.4 ശതമാനമായി കുത്തനെ ഇടിഞ്ഞു.
ജൂലായ് മുതല്‍ സെപ്തംബർ വരെ വളർച്ച നിരക്ക് 4.4 ശതമാനമായിരുന്നു.
സർക്കാരിന്റെ ചെലവുകളിലെ കുറവും ഉപഭോക്തൃ ഉപഭോഗത്തിലെ ഇടിവുമാണ് തിരിച്ചടിയായത്. അമേരിക്കയിലെ താെഴില്‍ മേഖലയിലെ തളർച്ച ശക്തമാകുന്നുവെന്നും കണക്കുകള്‍ വ്യക്തമാക്കുന്നു.
കുടിയേറ്റക്കാർക്കെതിരെ ഡൊണാള്‍ഡ് ട്രംപ് നടപടി കടുപ്പിച്ചതോടെ ജോലിക്കായി ആളെ കിട്ടാനില്ലാത്ത സാഹചര്യമാണെങ്കിലും സ്വകാര്യ മേഖലയില്‍ പുതിയ തൊഴിലവസരങ്ങളുണ്ടാകുന്നില്ല.
ട്രംപിന്റെ പകരത്തീരുവ സാമ്പത്തിക മേഖലയ്ക്ക് തിരിച്ചടിയായെന്നും ധനകാര്യ വിദഗ്ദ്ധർ പറയുന്നു.
