ഇന്ത്യന് പ്രതിരോധ സേനയ്ക്കു കൂടുതല് കരുത്തേകി യുഎസ് നിര്മ്മിത അത്യാധുനിക ഹെലികോപ്റ്ററുകള്. വ്യാപാര യുദ്ധത്തിനിടെ ഇന്ത്യയുമായുള്ള പ്രതിരോധ കരാര് പൂര്ത്തീകരിച്ചിരിക്കുകയാണ് യുഎസ്.
യുഎസില് നിന്ന് മൊത്തം 6 AH-64E അപ്പാച്ചെ ഹെലികോപ്റ്ററുകള് വാങ്ങാനായിരുന്നു ഇന്ത്യ ധവരണയില് എത്തിയിരുന്നത്. ഇതില് മൂന്നെണ്ണം നേരത്തേ തന്നെ ഇന്ത്യയ്ക്ക് കൈമാറിയിരുന്നു. നിലവില് മൂന്നെണ്ണം ഉള്പ്പെടുന്ന് അവസാന ബാച്ചും കൈമാറിയതോടെ കരാര് പൂര്്ണ്ണമായെന്നാണ് റിപ്പോര്ട്ടുകള് വ്യക്തമാക്കുന്നത്.
ചൈനയ്ക്കും, പാകിസ്താനും പേടിസ്വപ്നം
യുഎസ് നിര്മ്മിത അപ്പാച്ചെ ഹെലികോപ്റ്ററുകള് ഇന്ത്യയോട് മുട്ടാന് വരുന്ന ഏതൊരു രാജ്യത്തിനും ഒരു പേടി സ്വപ്നമായിരിക്കും. ലോകത്തെ ഏറ്റവും മികച്ച ഹെലികോപ്റ്ററുകളില് ഒന്നാണിത്. രാജസ്ഥാനിലെ ജോധ്പൂരില് 451 -ാമത് ആര്മി ഏവിയേഷന് സ്ക്വാഡ്രണില് ആണ് ഈ ആറ് അപ്പാച്ചെ ഹെലികോപ്റ്ററുകളെ ഉള്പ്പെടുത്തിയിരിക്കുന്നത്. ഏറെ പ്രധാനമായ പടിഞ്ഞാറന് അതിര്ത്തിയിലെ കുന്തമുനകളായി ഇവ പ്രവര്ത്തിക്കും.
ഇന്ത്യ- യുഎസ് വ്യാപാരക്കരാര്
അപ്പാച്ചെ ഹെലികോപ്്റ്റര് ഡീല് ഇന്ത്യ- യുഎസ് വ്യാപാര ചര്ച്ചകള്ക്കും ഊര്ജ്ജം പകരുമെന്നാണ് വിലയിരുത്തല്. അനന്തമായി നീണ്ടുപോകുന്ന വ്യാപാരക്കരാര് 2026 ജനുവരിയോടെ സാധ്യമായേക്കുമെന്നാണ് സൂചന. ജോധ്പൂരിലേക്ക് വിന്യസിക്കുന്നതിന് മുമ്പ് ന്യൂഡല്ഹിക്ക് സമീപമുള്ള ഗാസിയാബാദിലെ ഹിന്ഡണ് എയര് ബേസിലാണ് അവസാന ബാച്ച് ഡെലിവറി ചെയതത്. സാമ്പത്തിക സംഘര്ഷങ്ങള്ക്കിടയിലും പ്രതിരോധ സഹകരണം ഇരു രാജ്യങ്ങളും തുടരുന്നുവെന്നതിന്റെ തെളിവ് കൂടിയാണ് ഈ കരാര് പൂര്ത്തീകരണം.
പാകിസ്താന് വിറയ്ക്കും
ഇന്ത്യ- പാക് പ്രശ്നങ്ങള് തുടരുന്ന സാഹചര്യത്തിലാണ് ആറ് അപ്പാച്ചെ ഹെലികോപ്റ്ററുകളും ജോധ്പൂരില് വിന്യസിച്ചത്. ഇത് പാകിസ്ഥാന് അതിര്ത്തിയില് ഇന്ത്യന് സൈന്യത്തിന്റെ ഫയര് പവര് ഗണ്യമായി ശക്തിപ്പെടുത്തും. ‘പറക്കുന്ന ടാങ്കുകള്’ എന്ന ഓമ്മനപ്പേരില് അറിയപ്പെടുന്ന അപ്പാച്ചെ ഹെലികോപ്റ്ററുകള് അത്രമേല് ശക്തരാണ്. ലോകത്തിലെ ഏറ്റവും നൂതനമായ ആക്രമണ ഹെലികോപ്റ്ററുകളില് ഒന്നാണിത്.
അതിശക്തന് അപ്പാച്ചെ!
അരിസോണയിലെ മേസയില് ആണ് AH-64E Apache ഹെലികോപ്റ്ററുകള് നിര്മ്മിച്ചിരിക്കുന്നത്. അതിശക്തമായ ഫയര് പവറിനും, യുദ്ധഭൂമിയിലെ ചടുല പ്രവര്ത്തനങ്ങള്ക്കും പ്രത്യേകം രൂപകല്പ്പന ചെയ്തിരിക്കുന്നു. ഹെല്ഫയര് മിസൈലുകള്, 70mm റോക്കറ്റുകള്, 30mm ചെയിന് ഗണ്, നൂതന സെന്സറുകള്, രാത്രി പോരാട്ട ശേഷികള് എന്നിവ എടുത്തുപറയണം.
ഉയര്ന്ന അപകടസാധ്യതയുള്ളതും, പര്വതപ്രദേശങ്ങളിലുള്ളതുമായ പോരാട്ട പരിതസ്ഥിതികളില് കൃത്യതയോടെ പ്രവര്ത്തിക്കാന് ഇവയ്ക്ക് സാധിക്കും. ശത്രു ആക്രമണങ്ങളെ ഫലപ്രഖമായി നേരിടാനും ഇവയ്ക്കു ശേഷിയുണ്ട്.
