ന്യൂഡല്ഹി: ഒഡീഷയിലെ ഗഞ്ചം ജില്ലയില് 30,000 കോടി രൂപ മുതല്മുടക്കില് അര്ദ്ധചാലക ഫാബ്രിക്കേഷന് യൂണിറ്റ് സ്ഥാപിക്കുകയാണ് എസ്റാം ആന്ഡ് എംആര്എഎം ടെക്നോളജീസ് ആന്ഡ് പ്രോജക്ട്സ് ഇന്ത്യ പ്രൈവറ്റ് ലിമിറ്റഡ്. യുകെ ആസ്ഥാനമായുള്ള എസ്ആര്എഎം ആന്ഡ് എംആര്എഎം ഗ്രൂപ്പിന്റെ ഇന്ത്യന് യൂണിറ്റാണ് കമ്പനി. സംസ്ഥാന സര്ക്കാറുമായി ഇവര് ഇതിനോടകം ധാരണ പത്രത്തില് ഒപ്പുവച്ചു.
പ്രൊജക്ട് സ്ഥാപിക്കുന്നതിന്റെ ഭാഗമായി ചെയര്മാന് ഗുരുജി കുമാരന് സ്വാമിയുടെ നേതൃത്വത്തിലുള്ള കമ്പനി ഉദ്യോഗസ്ഥര് വ്യാഴാഴ്ച ഛത്രപൂരില് ജില്ലാ ഭരണകൂടവുമായി കൂടിക്കാഴ്ച നടത്തി, പിടിഐ റിപ്പോര്ട്ട് ചെയ്യുന്നു. യൂണിറ്റ് സ്ഥാപിക്കുന്നതിനുള്ള എല്ലാ സൗകര്യങ്ങളും നിക്ഷേപകര്ക്ക് ഗഞ്ചം കളക്ടര് ദിബ്യ ജ്യോതി പരിദ ഉറപ്പ് നല്കിയിട്ടുണ്ട്.കമ്പനി ഉദ്യോഗസ്ഥര് മറ്റ് ചില ജില്ലകളും സന്ദര്ശിച്ചെങ്കിലും ഗോപാല്പൂര് തുറമുഖത്തിന്റെ സാമീപ്യം കാരണം ഛത്രപൂരിനടുത്തുള്ള സ്ഥലമാണ് അവര് തിരഞ്ഞെടുത്തത്, റിപ്പോര്ട്ട് പറഞ്ഞു.
മൊബൈല് ഫോണുകള്, ടെലിവിഷന് സെറ്റുകള്, ലാപ്ടോപ്പുകള്, എയര്കണ്ടീഷണറുകള്, എടിഎമ്മുകള് എന്നിവയില് ഉപയോഗിക്കുന്ന മെമ്മറി ചിപ്പുകളാണ് അര്ദ്ധചാലക യൂണിറ്റ് നിര്മ്മിക്കുക.
