മുംബൈ: സെക്വോയ ഇന്ത്യയും, സർജും ചേർന്ന് നേതൃത്വം നൽകിയ ഒരു ഫണ്ടിംഗ് റൗണ്ടിൽ 2.3 മില്യൺ ഡോളർ സമാഹരിച്ച് യുഎസ് ആസ്ഥാനമായുള്ള മെഷീൻ ലേണിംഗ് സ്റ്റാർട്ടപ്പായ ട്രൂഫൗണ്ടറി. എയ്ഞ്ചൽ ലിസ്റ്റ് സഹസ്ഥാപകൻ നേവൽ രവികാന്ത്, എനിയാക് വെഞ്ചേഴ്സ് എന്നിവരും ഈ ഫണ്ടിംഗ് റൗണ്ടിൽ പങ്കെടുത്തു.
സാങ്കേതിക പ്രതിഭകളെ നിയമിക്കുന്നതിനും ഉൽപ്പന്ന വികസനത്തിനുമായി പണം നിക്ഷേപിക്കുമെന്ന് സ്റ്റാർട്ടപ്പ് അറിയിച്ചു. മുൻ മെറ്റാ എക്സിക്യൂട്ടീവുമാരായ അഭിഷേക് ചൗധരി, നികുഞ്ച് ബജാജ്, അനുരാഗ് ഗുട്ഗുട്ടിയ എന്നിവർ ചേർന്ന് 2021-ൽ സ്ഥാപിച്ച ട്രൂഫൗണ്ട്റി, ആൽഫബെറ്റ്, മെറ്റാ തുടങ്ങിയ വലിയ ടെക് കമ്പനികളുടെ വേഗതയിൽ മെഷീൻ ലേണിംഗ് മോഡലുകൾ വിന്യസിക്കാനും നിരീക്ഷിക്കാനും സ്റ്റാർട്ടപ്പുകൾക്കും ചെറുകിട ബിസിനസുകൾക്കും ഉപകരണങ്ങൾ നൽകുന്നു.
ചെറുകിട ബിസിനസ്സുകളുടെയും സ്റ്റാർട്ടപ്പുകളുടെയും മെഷീൻ ലേണിംഗ് ഡെവലപ്പർമാർക്ക് അഞ്ച് മിനിറ്റിനുള്ളിൽ ട്രൂഫൗണ്ടറിയുടെ ഉൽപ്പന്നം വിന്യസിക്കാൻ കഴിയും. ഇത് അവയെ 10 മടങ്ങ് വേഗത്തിലാക്കുന്നു. മെഷീൻ ലേണിംഗ് എഞ്ചിനീയർമാർക്ക് ഉയർന്ന മൂല്യത്തിലും കൂടുതൽ ക്രിയാത്മകമായ ജോലികളിലും കൂടുതൽ ശ്രദ്ധ കേന്ദ്രീകരിക്കാൻ ഇത് സഹായിക്കുമെന്ന് കമ്പനി പറഞ്ഞു.
തങ്ങളുടെ ടൂൾ പ്ലാറ്റ്ഫോം മികച്ചതാണെന്നും ആമസോൺ വെബ് സേവനങ്ങൾ (AWS), ഗൂഗിൾ ക്ലൗഡ്, ടെൻസർഫ്ലോ, കുബർനെറ്റസ് തുടങ്ങിയ സെർവറുകളുമായി എളുപ്പത്തിൽ സംയോജിപ്പിക്കാമെന്നും ട്രൂഫൗണ്ട്രി അവകാശപ്പെട്ടു.
