തിരിച്ചുകയറി ക്രിപ്‌റ്റോകറന്‍സി വിപണി

ന്യൂഡല്‍ഹി: ദിവസങ്ങള്‍ നീണ്ട കനത്ത തകര്‍ച്ചയ്ക്ക് ശേഷം ക്രിപ്‌റ്റോകറന്‍സികള്‍ വെള്ളിയാഴ്ച തിരിച്ചുകയറി. ആഗോള ക്രിപ്‌റ്റോകറന്‍സി വിപണി മൂല്യം 24 മണിക്കൂറില്‍ 4.74 ശതമാനം ഉയര്‍ന്ന് 936.85 ബില്ല്യണ്‍ ഡോളറിലെത്തി. ക്രിപ്‌റ്റോകറന്‍സി വിപണി അളവ് 47.31 ശതമാനം വര്‍ധിച്ച് 81.57 ബില്ല്യണ്‍ ഡോളറാണ്.

ഡീസെന്‍ട്രലൈസ്ഡ് ഫിനാന്‍സ് അളവ് 4.48 ബില്ല്യണ്‍ അഥവാ 5.50 ശതമാനവും സ്‌റ്റേബിള്‍ കോയിന്‍ അളവ് 92.81 ശതമാനം അഥവാ 75.71 ബില്യണുമാണ്. മറ്റ് കറന്‍സികളിന്മേലുള്ള ബിറ്റ്‌കോയിന്‍ മേധാവിത്തം 0.04 ശതമാനം ഉയര്‍ന്ന് 40.19 ശതമാനമായി.

ലോകത്തിലെ ഏറ്റവും വലിയ ക്രിപ്‌റ്റോ ആയ ബിറ്റ്‌കോയിന്‍ (ബിടിസി) 24 മണിക്കൂറില്‍ 6.28 ശതമാനം ഉയര്‍ന്നു. നിലവില്‍ 19,662.14 ഡോളറിലാണ് ബിടിസിയുള്ളത്. ഇതോടെ ഏഴ് ദിവസത്തെ താഴ്ച്ച 1.15 ശതമാനമാക്കാനും ബിടിസിയ്ക്കായി.

രണ്ടാമത്തെ വലിയ കോയിന്‍ എഥേരിയം 24 മണിക്കൂറില്‍ 9.81 ശതമാനം ഉയര്‍ന്ന് 1,330.50 ഡോളറിലാണുള്ളത്. ഒരാഴ്ചയിലെ താഴ്ച്ച 1.04 ശതമാനം. ബിഎന്‍ബി-273.92 ഡോളര്‍ (5.76 ശതമാനം ഉയര്‍ച്ച), എക്‌സ് ആര്‍പി-0.5006 ഡോളര്‍ (9.65 ശതമാനം ഉയര്‍ച്ച), കാര്‍ഡാനോ-0.3797 ഡോളര്‍ (6.05 ശതമാനം ഉയര്‍ച്ച), സൊലാന-31.35 ഡോളര്‍ (11.13 ശതമാനം ഉയര്‍ച്ച), ഡോഷ്‌കോയിന്‍-0.06025 ഡോളര്‍ (7.11 ശതമാനം ഉയര്‍ച്ച), പൊക്കോട്ട് -6.21 ഡോളര്‍ (7.92 ശതമാനം ഉയര്‍ച്ച), ഷിബാ ഇനു-0.00001037 ഡോളര്‍ (9.60 ശതമാനം ഉയര്‍ച്ച), അവലാഞ്ച് -16.23 ഡോളര്‍ (9.37 ശതമാനം ഉയര്‍ച്ച) എന്നിങ്ങനെയാണ് മറ്റ് ക്രിപ്‌റ്റോകറന്‍സി വിലകള്‍.