ഇന്ത്യ ഇലക്ട്രിക് വാഹന മേഖലയിൽ കമ്പനി കേന്ദ്രികൃത ആനുകൂല്യങ്ങൾ നൽകില്ലെന്ന് റിപ്പോർട്ട്ഇന്ത്യയുടെ വിദേശനാണ്യ കരുതൽ ശേഖരം 597.94 ബില്യൺ ഡോളറിലെത്തിഒക്ടോബറിൽ ഇന്ത്യയുടെ സേവന കയറ്റുമതി 10.8 ശതമാനം ഉയർന്നു1.1 ലക്ഷം കോടിയുടെ പ്രതിരോധക്കരാറിന് അനുമതിനവംബറിലെ ജിഎസ്ടി വരുമാനം 1.68 ലക്ഷം കോടി രൂപ

7 മില്യൺ പൗണ്ടിന്റെ ഗ്രീൻ നിക്ഷേപ പദ്ധതി അവതരിപ്പിച്ച്‌ ടാറ്റ സ്റ്റീൽ

ന്യൂഡൽഹി: തങ്ങളുടെ യുകെ ബിസിനസ് ശക്തിപ്പെടുത്തുന്നതിനായി വടക്കുകിഴക്കൻ ഇംഗ്ലണ്ടിലെ ഹാർട്ട്‌പൂൾ ട്യൂബ് മില്ലിൽ 7 ദശലക്ഷം പൗണ്ടിന്റെ ഗ്രീൻ നിക്ഷേപ പദ്ധതി അവതരിപ്പിച്ച്‌ ഇന്ത്യൻ സ്റ്റീൽ പ്രമുഖരായ ടാറ്റ സ്റ്റീൽ. സൗത്ത് വെയിൽസിലെ ടാറ്റയുടെ പോർട്ട് ടാൽബോട്ട് സ്റ്റീൽ മേക്കിംഗ് സൈറ്റിൽ നിന്ന് വിതരണം ചെയ്യുന്ന ഉരുക്ക് കോയിലുകൾ പ്രോസസ്സ് ചെയ്യാൻ ഈ സൈറ്റ് കമ്പനിയെ സഹായിക്കും. പ്രതിവർഷം 200,000 ടൺ വരെ സ്റ്റീൽ ട്യൂബുകൾ ഉത്പാദിപ്പിക്കുന്ന സൈറ്റിൽ നിർമ്മിച്ച എല്ലാ സ്റ്റീൽ ഉൽപ്പന്നങ്ങളും 100 ശതമാനം പുനരുപയോഗം ചെയ്യാവുന്നവയാണ്. ഇത് തങ്ങളുടെ കാര്യക്ഷമത മെച്ചപ്പെടുത്തുകയും സ്റ്റീൽ പ്രോസസ്സിംഗിൽ നിന്നുള്ള മൊത്തത്തിലുള്ള CO2 ഉദ്‌വമനം കുറയ്ക്കുകയും ബിസിനസ്സിലുടനീളമുള്ള മൊത്തം ചെലവ് കുറയ്ക്കുകയും ചെയ്യുമെന്ന് കമ്പനി പറഞ്ഞു.

പുതിയ പ്രോജക്റ്റ് പൂർത്തിയാകാൻ ഒരു വർഷത്തിലേറെ സമയമെടുക്കുമെന്ന് പ്രതീക്ഷിക്കപ്പെടുന്നു. ഈ വർഷം യുകെയിൽ ടാറ്റ സ്റ്റീൽ പ്രഖ്യാപിച്ച രണ്ടാമത്തെ പ്രധാന നിക്ഷേപമാണിത്. ഈ രണ്ട് നിക്ഷേപ പദ്ധതികളും യുകെ ബിസിനസിനെ കൂടുതൽ ശക്തിപ്പെടുത്തുകയും ഉപഭോക്താക്കൾക്കുള്ള സേവനങ്ങൾ മെച്ചപ്പെടുത്തുകയും പരിസ്ഥിതി ഉദ്‌വമനം കുറയ്ക്കുന്നതിന് ലഭ്യമായ ഏറ്റവും പുതിയ സാങ്കേതികവിദ്യ ഉപയോഗിക്കുകയും ചെയ്യാൻ സഹായിക്കുമെന്ന് ടാറ്റ സ്റ്റീൽ യുകെ പറഞ്ഞു.

X
Top