മുംബൈ: ടാറ്റ ഹൗസിംഗ് ഓപ്പർച്യുണിറ്റീസ് ഫണ്ട് എന്ന ഒരു ഓപ്പൺ-എൻഡ് ഇക്വിറ്റി സ്കീം അവതരിപ്പിച്ച് ടാറ്റ മ്യൂച്വൽ ഫണ്ട്. പുതിയ ഫണ്ട് ഓഫർ (NFO) നിലവിൽ സബ്സ്ക്രിപ്ഷനായി തുറന്നിരിക്കുകയാണ്, സബ്സ്ക്രിപ്ഷൻ കാലാവധി ഓഗസ്റ്റ് 29-ന് അവസാനിക്കും.
ഒരു ഓപ്പൺ-എൻഡഡ് ഫണ്ടാണ് ടാറ്റ ഹൗസിംഗ് ഓപ്പർച്യുണിറ്റീസ് ഫണ്ട്, ഇത് പ്രധാനമായും ഒരു വീട് പണിയുന്നതിനുള്ള മെറ്റീരിയലുകളും ഉൽപ്പന്നങ്ങളും സേവനങ്ങളും വിതരണം ചെയ്യുന്ന കമ്പനികളുടെ ഒരു പോർട്ട്ഫോളിയോയിൽ നിക്ഷേപിക്കും.
നിക്ഷേപകർ ഭവന നിർമ്മാണത്തിനായി വാങ്ങുന്ന ഉൽപ്പന്നങ്ങളുടെ കമ്പനികളിൽ നിക്ഷേപിച്ച് നിക്ഷേപകരുടെ ഭാവിക്ക് സമ്പത്ത് സൃഷ്ടിക്കാനുള്ള അവസരമാണിതെന്ന് ടാറ്റ എംഎഫ് പറഞ്ഞു.
നിക്ഷേപങ്ങളിൽ നിന്ന് ദീർഘകാല സമ്പത്ത് സൃഷ്ടിക്കാനുള്ള അവസരമാണിതെന്നും, സമയബന്ധിതമായ തന്ത്രപരമായ പോർട്ട്ഫോളിയോയെക്കാൾ കൂടുതൽ ഘടനാപരമായ ഓഫറാണിതെന്നും ഫണ്ട് ഹൗസ് പറഞ്ഞു. ഈ സ്കീം നിഫ്റ്റി ഹൗസിംഗ് ഇൻഡക്സിനെയാണ് (TRI) – മാനദണ്ഡമായി എടുക്കുന്നത്.
