ന്യൂഡൽഹി: രാജ്യത്തെ പഞ്ചസാര ഉത്പാദനം 5.1 ശതമാനം വർദ്ധിച്ചുവെന്ന് കണക്കുകൾ. 2022-23 കാലയളവിൽ ഡിസംബർ 15 വരെയുള്ള ഉത്പാദനം 82.1 ലക്ഷം ടണ്ണാണെന്ന് കണക്കുകൾ പറയുന്നു.
മുൻവർഷം ഇതേ കാലയളവിലെ ഉത്പാദനം 77.9 ലക്ഷം ടണ്ണായിരുന്നു. നാലു ലക്ഷം ടണ്ണിന്റെ വർദ്ധന ഉണ്ടായെന്നാണ് ഇന്ത്യ ഷുഗർ മിൽസ് അസോസിയേഷൻ(ഐ.എസ്.എം.എ) വ്യവസായ സമിതിയുടെ റിപ്പോർട്ട് വ്യക്തമാക്കുന്നത്.
33 ലക്ഷം ടൺ പഞ്ചസാര ഉത്പാദനവുമായി മഹാരാഷ്ട്രയാണ് മുന്നിൽ. 20.3 ലക്ഷം ടണ്ണുമായി ഉത്തർപ്രദേശാണ് തൊട്ടുപിന്നിൽ.
പഞ്ചസാര ഫാക്ടറികളുടെ എണ്ണത്തിലും വർദ്ധനവുണ്ടായിട്ടുണ്ടെന്നാണ് റിപ്പോർട്ട്.
