തിരുവനന്തപുരം: ആളുകളെ വന് കടക്കെണിയിലേക്കും, ആത്മഹത്യകളിലേക്കും തള്ളിവിടുന്ന ലോണ് ആപ്പുകള്ക്കെതിരെ സംസ്ഥാനം കേന്ദ്ര സര്ക്കാരിന് കത്ത് നല്കി.
പണം തട്ടുന്ന ലോണ് ആപ്പുകള് ഉള്പ്പടെ 172 ആപ്പുകള് റദ്ദാക്കണമെന്ന് ആവശ്യപ്പെട്ട് സംസ്ഥാനം കേന്ദ്ര സര്ക്കാരിനെ സമീപിച്ചത്.
സൈബര് പൊലിസ് ഡിവിഷന്റെ ശുപാര്ശ പ്രകാരമാണ് സംസ്ഥാന ഐടി വകുപ്പ് കേന്ദ്രത്തെ സമീപിച്ചത്. ലോണ് ആപ്പുകള്ക്ക് നിയന്ത്രണം ഏര്പ്പെടുത്താന് കേന്ദ്ര സര്ക്കാര് നേരത്തേ തന്നെ ആലോചിക്കുന്നുണ്ട്.
കേന്ദ്ര മന്ത്രി രാജീവ് ചന്ദ്രശേഖറിന്റെ അധ്യക്ഷതയില് ദില്ലിയില് ഉന്നതലയോഗം മുന്പ് ചേര്ന്ന് വിഷയം ചര്ച്ച ചെയ്തിരുന്നു. റിസര്വ് ബാങ്ക്, ധന ഐടി മന്ത്രാല ഉദ്യോഗസ്ഥര് പങ്കെടുത്ത യോഗത്തില് ആപ്പുകള്ക്ക് നിലവിലുള്ള നിയന്ത്രണം ഉദ്യോഗസ്ഥര് വിശദീകരിച്ചിരുന്നു.
അംഗീകൃത ആപ്പുകളുടെ പട്ടിക പുറത്തിറക്കുന്നതടക്കം നടപടികള് കേന്ദ്ര സര്ക്കാര് ആലോചിക്കുന്നുണ്ട്.
