ബെംഗളൂരു: സീഡ് റൗണ്ടിൽ 4.7 മില്യൺ ഡോളറിന്റെ ഫണ്ടിംഗ് സമാഹരിച്ച് ഡിജിറ്റൽ അസറ്റ് മാനേജ്‌മെന്റ് പ്ലാറ്റ്‌ഫോമായ ലിമിനൽ, എലിവേഷൻ ക്യാപിറ്റലിന്റെ നേതൃത്വത്തിൽ പ്രമുഖ നിക്ഷേപകരായ ക്രിപ്‌റ്റോ ഫണ്ട് എൽഡി ക്യാപിറ്റൽ, വുഡ്‌സ്റ്റോക്ക്, നെക്‌സസ് വെഞ്ച്വേഴ്‌സ് എന്നിവയുടെ പങ്കാളിത്തം ഈ റൗണ്ടിൽ ഉണ്ടായിരുന്നു. ഇവർക്ക് പുറമെ കോയിൻഡിസിഎക്സ്, ഹാഷെഡ്, കാഡെൻസ വെഞ്ചേഴ്‌സ്, വാൾഡ്, ബെറ്റർ ക്യാപിറ്റൽ, സ്പാരോ ക്യാപിറ്റൽ തുടങ്ങിയ ക്രിപ്റ്റോകറൻസി സംരംഭങ്ങളും ഈ ഫണ്ടിംഗ് റൗണ്ടിൽ പങ്കെടുത്തു.
കൂടുതൽ ആളുകളെ നിയമിക്കുന്നതിനും ഉൽപ്പന്ന വികസനത്തിനും മൂലധനം ഉപയോഗിക്കാനാണ് സ്റ്റാർട്ടപ്പ് പദ്ധതിയിടുന്നത്. 2021-ൽ മാഹിൻ ഗുപ്ത സ്ഥാപിച്ച ലിമിനൽ, വിവിധ ബ്ലോക്ക്ചെയിനുകളിലുടനീളം ഡിജിറ്റൽ അസറ്റുകൾ സുരക്ഷിതമാക്കാൻ സഹായിക്കുന്നതിന് വാലറ്റ് ആർക്കിടെക്ചർ വാഗ്ദാനം ചെയ്യുന്നു. ഒരു വർഷത്തിനുള്ളിൽ 2.5 ബില്യൺ ഡോളറിന്റെ ഇടപാടുകളും 400 മില്യൺ ഡോളറിന്റെ ഓട്ടോമേറ്റഡ് ഇടപാടുകളും നടത്തിയതായി ലിമിനൽ അവകാശപ്പെടുന്നു. കൂടാതെ, ഏകദേശം 50 മില്യൺ ഡോളർ ആസ്തി സംരക്ഷണത്തിലുണ്ടെന്ന് കമ്പനി പറഞ്ഞു.
ലിമിനലിന്റെ ഓട്ടോമേറ്റഡ് വാലറ്റ് സൊല്യൂഷൻ ക്രിപ്‌റ്റോ-നേറ്റീവ് ബിസിനസുകൾ, എസ്എംഇകൾ, വെബ്3 സ്റ്റാർട്ടപ്പുകൾ എന്നിവയ്ക്ക് വ്യത്യസ്ത ബ്ലോക്ക്ചെയിൻ പ്രോട്ടോക്കോളുകളിലുടനീളം അവരുടെ വർക്ക്ഫ്ലോകൾ നിയന്ത്രിക്കുന്നത് എളുപ്പമാക്കുന്നു. നിലവിൽ ഏഷ്യാ പസഫിക്, മിഡിൽ ഈസ്റ്റ് എന്നീ വിപണികളിലെ വിപുലീകരണത്തിൽ ശ്രദ്ധ കേന്ദ്രീകരിക്കുന്നതായി കമ്പനി അറിയിച്ചു.
