മുംബൈ: വിപണിയിലെ ഊഹാപോഹങ്ങൾ ഓഹരിവിലയെ സ്വാധീനിക്കുന്നത് കുറയ്ക്കാനുള്ള നീക്കവുമായി സെക്യൂരിറ്റീസ് & എക്സ്ചേഞ്ച് ബോർഡ് ഓഫ് ഇന്ത്യ (SEBI). ഇത് സംബന്ധിച്ച് മാർക്കറ്റ് റെഗുലേറ്ററായ സെബി മാർഗനിർദേശങ്ങൾ പ്രസിദ്ധീകരിച്ചു.
‘Unaffected price’ എന്ന ആശയത്തിലൂടെ കൃത്രിമമായി ഓഹരിവിലയിലുണ്ടാകുന്ന കയറ്റിറക്കങ്ങൾ കുറയ്ക്കുകയാണ് ലക്ഷ്യം.
ലിസ്റ്റ് ചെയ്ത എന്റിറ്റി അഥവാ കമ്പനി ഓഹരിവിലയുടെ നീക്കങ്ങളുമായി ബന്ധപ്പെട്ട മാർക്കറ്റ് റൂമർ പരിശോധിക്കേണ്ടതാണെന്ന് സെബി നിർദേശിക്കുന്നു. സ്റ്റോക്ക് എക്സ്ചേഞ്ചുകൾ തങ്ങളുടെ വെബ്സൈറ്റുകളിൽ മെറ്റീരിയൽ പ്രൈസ് മൂവ്മെന്റ് സംബന്ധിച്ച ചട്ടക്കൂട് ഇഷ്യൂ ചെയ്യേണ്ടതാണ്.
മാർക്കറ്റ് റൂമർ വെരിഫിക്കേഷൻ ആദ്യ ഘട്ടത്തിൽ ലിസ്റ്റ് ചെയ്തിരിക്കുന്ന ടോപ് 100 കമ്പനികൾക്ക് 2024 ജൂൺ 1 മുതൽ ബാധകമാകും. പിന്നീട് ഇത് അടുത്ത ടോപ് 150 കമ്പനികൾക്ക് (The next top 150) 2024 ഡിസംബർ 1 മുതൽ ബാധകമാക്കും. ഇതോടെ ആകെ 250 കമ്പനികൾ ഈ ഫ്രെയിംവർക്കിന് കീഴിലാവും.
സെബി, അല്ലെങ്കിൽ സ്റ്റോക്ക് എക്സ്ചേഞ്ച് നിശ്ചയിച്ചിരിക്കുന്ന പ്രൈസിങ് മാനദണ്ഡങ്ങളാണ് ബാധകമാവുക. ഇത്തരം വിനിമയങ്ങളിൽ പ്രൈസ് മൂവ്മെന്റ് തുടങ്ങി 24 മണിക്കൂറിനുള്ളിൽ തീർച്ചപ്പെടുത്തുന്ന മാർക്കറ്റ് റൂമർ സംഭവിച്ചാലാണ് ബാധകമായ മാനദണ്ഡം നടപ്പാവുക.
‘Unaffected price’ എന്നത് എങ്ങനെ നിശ്ചയിക്കും എന്നും സെബി വ്യക്താക്കുന്നു. മെറ്റീരിയലായ പ്രൈസ് മൂവ്മെന്റിലൂടെ ഓഹരിവിലയിൽ ഉണ്ടാകുന്ന സ്വാധീനം, റൂമറിന്റെ സ്ഥിരീകരണം എന്നിവയാണ് പരിഗണിക്കുന്ന ഘടകങ്ങൾ.
അഡ്ജസ്റ്റഡ് വോളിയം വെയ്റ്റഡ് ആവറേജ് പ്രൈസ് (VWAP) പ്രകാരവും കണക്കു കൂട്ടലുകൾ നടത്തിയാകും അന്തിമ തീരുമാനത്തിലെത്തുക.
‘Unaffected price’ 60 ദിവസം അല്ലെങ്കിൽ 180 ദിവസം എന്ന കാലാവധിയിലാണ് ബാധകമാവുന്നത്. മാർക്കറ്റ് റൂമർ തീർച്ചപ്പെടുത്തിയ ദിനം മുതലുള്ള സ്റ്റേജ് ഓഫ് ട്രാൻസാക്ഷൻ എന്ന രീതിയിലാണ് ഇത് കണക്കാക്കുന്നത്. ഇവ ഇൻഡസ്ട്രി സ്റ്റാൻഡേർ‍ഡ് പ്രകാരം നിർവ്വചിക്കും.
വിവിധ സാഹചര്യങ്ങളിലെ ഓരോ തരം റൂമറിനും ‘Unaffected price’ എന്ന ആശയം ബാധകമാകും.
