കൊച്ചി: അടിസ്ഥാന വ്യവസായ രംഗത്തെ ഉത്പാദനം ജൂണില് മൂന്ന് മാസത്തെ ഉയർന്ന തലമായ 1.7 ശതമാനമായി. മേയില് അടിസ്ഥാന വ്യവസായങ്ങളില് 1.2 ശതമാനം ഉത്പാദന വളർച്ചയുണ്ടായിരുന്നു.
തുടർച്ചയായ മൂന്നാം മാസമാണ് ഉത്പാദനത്തിലെ വളർച്ച രണ്ട് ശതമാനത്തിലും താഴെ നില്ക്കുന്നത്. കല്ക്കരി, ക്രൂഡോയില്, പ്രകൃതി വാതകം, റിഫൈനറി ഉത്പന്നങ്ങള്, രാസവളം, സ്റ്റീല്, സിമന്റ്, വൈദ്യുതി എന്നിവയാണ് അടിസ്ഥാന വ്യവസായങ്ങളുടെ ഗണത്തില് പെടുന്നത്.
രാജ്യത്തെ വ്യാവസായിക ഉത്പാദന സൂചിക കണക്കാക്കുന്നതില് 40 ശതമാനം പങ്കാളിത്തം ഈ മേഖലകള്ക്കുണ്ട്.
