ന്യൂഡല്‍ഹി: നോണ്‍-ഡെലിവറബിള്‍ ഫോര്‍വേഡ് മാര്‍ക്കറ്റില്‍ (എന്‍ഡിഎഫ്) വ്യാപാരം ചെയ്യുന്നതിന് ബാങ്കുകള്‍ക്ക് ഏര്‍പ്പെടുത്തിയിരുന്ന അനൗപചാരിക നിയന്ത്രണങ്ങള്‍, റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) നീക്കി. ബാങ്കര്‍മാര്‍ റോയിട്ടേഴ്‌സിനെ അറിയിച്ചതാണിക്കാര്യം.
രൂപയുടെ ചാഞ്ചാട്ടം നിയന്ത്രിക്കാന്‍ ഒക്ടോബറിലാണ് ആര്‍ബിഐ ഈ നിയന്ത്രണങ്ങള്‍ ഏര്‍പെടുത്തിയത്.
ഒക്ടോബറില്‍ ഡോളറിനെതിരെ രൂപയുടെ മൂല്യം 83.29 എന്ന റെക്കോര്‍ഡ് താഴ്ചയിലെത്തിയിരുന്നു. രൂപ കൈവരിച്ച ആപേക്ഷിക സ്ഥിരത നിയന്ത്രണങ്ങള്‍ നീക്കാന്‍ കേന്ദ്രബാങ്കിനെ സഹായിച്ചു, ബാങ്കര്‍മാര്‍ പറഞ്ഞു.
82.55 രൂപ നിരക്കിലാണ് ഡോളറിനെതിരെ നിലവില്‍ രൂപയുള്ളത്.
