Alt Image
സമ്പദ്‌വ്യവസ്ഥയുടെ വളർച്ചയിൽ നേരിയ ഇടിവുണ്ടാകുമെന്ന് ഐസിആർഎ; രണ്ടാം പാദത്തിൽ 7.5% മാത്രം, കാർഷിക മേഖലയിൽ വലിയ തിരിച്ചടി ◆ രത്ന, ആഭരണ കയറ്റുമതിയിൽ 34 ശതമാനം കുതിപ്പ് ◆ രാജ്യത്തെ സ്വർണപ്പണയ വിപണിയിൽ ആഗോള ഭീമന്മാരുടെ മത്സരം ◆ ഇന്ത്യയിൽ കല്യാണ സീസണ്‍ തുടങ്ങുന്നു: 45 ദിവസത്തിനിടെ ആറരലക്ഷം കോടിയുടെ ബിസിനസ്! ◆ വിമാനക്ഷാമം പരിഹരിക്കാൻ പുതിയ നീക്കവുമായി ഇന്ത്യ; 1,000 വിമാനങ്ങൾ കൂടി ഓർഡർ ചെയ്യാൻ തയ്യാറാണെന്ന് പീയുഷ് ഗോയൽ ◆

നടപ്പുവർഷം പവൻ വില 56,000 രൂപയെത്തുമെന്ന് പ്രവചനം

കൊച്ചി: നടപ്പുവർഷം സ്വർണ വില പവന് 56,000 രൂപ കവിയുമെന്ന് പ്രമുഖ കമ്പോള ഉത്പന്ന ഗവേഷണ ഏജൻസിയായ കോംട്രെൻഡ്സ് റിസർച്ച് ഡയറക്ടർ ഗ്യാനശേഖർ ത്യാഗരാജൻ പ്രവചിക്കുന്നു.

അമേരിക്കൻ ഡോളറിനെതിരെ രൂപ തുടർച്ചയായി ശക്തിയാർജിക്കുന്നതും വികസിത മേഖലകളിലെ സാമ്പത്തിക മാന്ദ്യവും സ്വർണ വില പുതിയ ഉയരങ്ങളിലേക്ക് നീങ്ങാൻ ഇടയാക്കും. നിലവിൽ ആഭ്യന്തര വിപണിയിൽ സ്വർണ വില പത്ത് ഗ്രാമിന് 63,060 രൂപയ്ക്ക് അടുത്താണ്.

രാജ്യാന്തര വിപണിയിൽ സ്വർണ വില ഔൺസിന് 2070 ഡോളറിലാണ്.
ആഗോള സാമ്പത്തിക മേഖല അതിരൂക്ഷമായ പ്രതിസന്ധികൾ നേരിടാൻ എല്ലാ സാഹചര്യവുമുണ്ടെന്ന് പ്രമുഖ അനലിസ്റ്റുകൾ പറയുന്നു.

അമേരിക്കയും യൂറോപ്പും അതിരൂക്ഷമായ മാന്ദ്യ സാഹചര്യത്തിലാണ് നീങ്ങുന്നത്. അതിനാൽ ഈ വർഷം മാർച്ചിന് മുന്നോടിയായി അമേരിക്കൻ കേന്ദ്ര ബാങ്കായ ഫെഡറൽ റിസർവ് മുഖ്യ പലിശ നിരക്കിൽ അര ശതമാനം വരെ കുറവ് വരുത്തിയേക്കാം.

ഇപ്പോഴത്തെ സാഹചര്യത്തിൽ ഡോളർ കടുത്ത വെല്ലുവിളിയാണ് നേരിടുന്നതെന്നും അവർ പറയുന്നു.

സാമ്പത്തിക മേഖലയിലെ അനിശ്ചിതത്വം മൂലം സുരക്ഷിൽ നിക്ഷേപമെന്ന നിലയിൽ സ്വർണത്തിന് പ്രിയം വർദ്ധിക്കാൻ സാദ്ധ്യതയേറെയാണ്.

2024 ൽ രാജ്യാന്തര വിപണിയിൽ സ്വർണ വില ഔൺസിന് 2,400 ഡോളർ വരെ ഉയർന്നേക്കുമെന്നും വിദഗ്ധർ പറയുന്നു.

X
Top