എംപിസി യോഗം തുടങ്ങിസേവന മേഖല വികാസം മൂന്നുമാസത്തെ ഉയര്‍ന്ന നിലയില്‍ഇലക്ടറല്‍ ബോണ്ട് വില്‍പന തുടങ്ങി, ഈമാസം 12 വരെ ലഭ്യമാകുംഇന്ത്യ വിലക്കയറ്റത്തെ പിടിച്ചുനിര്‍ത്തിയെന്ന് റിപ്പോര്‍ട്ട്; രാജ്യം കാഴ്ചവച്ചത് പല വികസിത രാജ്യങ്ങളേക്കാളും മികച്ച പ്രകടനംപ്രതിദിന ഇന്ധന വിലനിർണയം വൈകാതെ പുനരാരംഭിച്ചേക്കും

മുത്തൂറ്റ് ഫിനാൻസിന്റെ അറ്റാദായം 960 കോടി രൂപ

മുംബൈ: 2022 മാർച്ച് 31ന് അവസാനിച്ച നാലാം പാദത്തിൽ മുത്തൂറ്റ് ഫിനാൻസ് ലിമിറ്റഡിന്റെ അറ്റാദായം 3.6 ശതമാനം ഇടിഞ്ഞ് 960 കോടി രൂപയായി. കഴിഞ്ഞ വർഷം ഇതേ കാലയളവിൽ കമ്പനിയുടെ അറ്റാദായം 995.66 കോടി രൂപയായിരുന്നു. അതേപോലെ, 2021-22 ജനുവരി-മാർച്ച് കാലയളവിൽ മൊത്ത വരുമാനം കഴിഞ്ഞ സാമ്പത്തിക വർഷം ഇതേ കാലയളവിലെ 2823.85 കോടി രൂപയിൽ നിന്ന് 5 ശതമാനം കുറഞ്ഞ് 2,678.37 കോടി രൂപയായതായി മുത്തൂറ്റ് ഫിനാൻസ് റെഗുലേറ്ററി ഫയലിംഗിൽ പറഞ്ഞു.
ഈ പാദത്തിലെ പലിശ വരുമാനം മുൻ വർഷത്തെ അപേക്ഷിച്ച് 5.3 ശതമാനം കുറഞ്ഞ് 2640.95 കോടി രൂപയായി. എന്നിരുന്നാലും, ലോൺ പോർട്ട്‌ഫോളിയോ പ്രകാരം ഇന്ത്യയിലെ ഏറ്റവും വലിയ സ്വർണ്ണ ധനകാര്യ കമ്പനിയായ മുത്തൂറ്റിന് ഈ പാദത്തിൽ 64,494 കോടി രൂപയുടെ മാനേജ്‌മെന്റിന് കീഴിലുള്ള ആസ്തി (എയുഎം) കൈവരിക്കാൻ കഴിഞ്ഞു. കഴിഞ്ഞ സാമ്പത്തിക വർഷത്തിൽ ഗോൾഡ് ലോൺ 11 ശതമാനം വളർനെന്നും, കൂടാതെ വരുന്ന സാമ്പത്തിക വർഷത്തിൽ ഈ വിഭാഗം 12-15% വളർച്ച നേടുമെന്ന് തങ്ങൾ പ്രതീക്ഷിക്കുന്നതായും കമ്പനി അറിയിച്ചു.
4 ലക്ഷം പുതിയ ഉപഭോക്താക്കൾക്ക് 4,664 കോടി രൂപയും, 4.89 ലക്ഷം നിഷ്‌ക്രിയ ഉപഭോക്താക്കൾക്ക് 4,759 കോടി രൂപയും പുതിയ വായ്പ ഇനത്തിൽ വിതരണം ചെയ്തതായി കമ്പനി വ്യക്തമാക്കി. കൂടാതെ ഇന്ത്യയിലെ 4600+ ശാഖകളിലുടനീളം തങ്ങളുടെ സേവനം വിപുലീകരിക്കാൻ കമ്പനി പദ്ധതിയിടുന്നു. ബിഎസ്ഇയിൽ മുത്തൂറ്റ് ഫിനാൻസ് ഓഹരികൾ 8.85 ശതമാനത്തിന്റെ നഷ്ടത്തിൽ 1,041.30 രൂപയിൽ വ്യാപാരം നടത്തുന്നു.

X
Top