മുംബൈ: കോസ്‌മെറ്റിക് പ്രമുഖരായ റെവ്‌ലോൺ പാപ്പരത്തത്തിന് അപേക്ഷ നൽകി ദിവസങ്ങൾക്ക് ശേഷം യുണൈറ്റഡ് സ്റ്റേറ്റ്സിലെ റെവ്‌ലോൺ ഇങ്ക് വാങ്ങാൻ മുകേഷ് അംബാനിയുടെ റിലയൻസ് ഇൻഡസ്ട്രീസ് പദ്ധതിയിടുന്നതായി ഉറവിടങ്ങളെ ഉദ്ധരിച്ച് ഒരു ദേശിയ മാധ്യമം വെള്ളിയാഴ്ച റിപ്പോർട്ട് ചെയ്തു. മുകേഷ് അംബാനിയുടെ നേതൃത്വത്തിലുള്ള ഇന്ത്യൻ ഓയിൽ-ടു-റീട്ടെയിൽ കമ്പനി യുണൈറ്റഡ് സ്റ്റേറ്റ്സിലെ ചാപ്റ്റർ 11 പാപ്പരത്ത സംരക്ഷണത്തിനായി ഫയൽ ചെയ്ത സൗന്ദര്യവർദ്ധക നിർമ്മാതാക്കളെ ഏറ്റെടുക്കാൻ ലേലം വിളിക്കാൻ ആലോചിക്കുന്നതയാണ് റിപ്പോർട്ടുകൾ.
90 വർഷം മുമ്പ് ന്യൂയോർക്ക് സിറ്റിയിൽ സ്ഥാപിതമായതുമുതൽ, അൽമായ് മുതൽ എലിസബത്ത് ആർഡൻ വരെയുള്ള പേരുകളുടെ സ്ഥിരതയ്ക്ക് മേൽനോട്ടം വഹിച്ച കമ്പനി ലോകത്തിലെ പ്രമുഖ കോസ്‌മെറ്റിക് ഉത്പന്ന നിർമ്മാതാക്കളാണ്. നെയിൽ പോളിഷ്, ലിപ്സ്റ്റിക്ക് എന്നിവയാണ് കമ്പനിയുടെ പ്രധാന ഉത്പന്നങ്ങൾ. വിൽപ്പനയിലെ വലിയ ഇടിവാണ് തങ്ങളെ ഭീമായ കടക്കെണിയിലേക്ക് നയിച്ചതെന്ന് കമ്പനി കഴിഞ്ഞ ദിവസം അറിയിച്ചിരുന്നു. പാൻഡെമിക്കിന്റെ ആദ്യ വർഷമായ 2020-ൽ മാത്രം കമ്പനിയുടെ വിൽപ്പന 21 ശതമാനം കുറഞ്ഞിരുന്നു.
