ഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചുഐടി രംഗത്ത് അരലക്ഷത്തോളം പുതിയ തൊഴിലവസരങ്ങൾ ഒരുങ്ങുന്നുഅടുത്ത 4 വർഷത്തിനുള്ളിൽ എസി വിൽപന ഇരട്ടിയായേക്കും

മൂന്ന്‌ യുഎസ്‌ കമ്പനികള്‍ക്ക്‌ ചൈനീസ്‌ വിപണിയേക്കാള്‍ വലിപ്പം

ന്യൂയോർക്ക്: മൈക്രോസോഫ്‌റ്റ്‌, എന്‍വിഡിയ, ആപ്പിള്‍ എന്നീ യുഎസ്‌ കമ്പനികളുടെ വിപണിമൂല്യം ചൈനീസ്‌ വിപണിയുടെ മൊത്തം മൂല്യത്തേക്കാള്‍ കൂടുതല്‍. ഈ കമ്പനികളുടെ മൊത്തം വിപണിമൂല്യം 9.2 ലക്ഷം കോടി ഡോളറായി ഉയര്‍ന്നു.

അതേ സമയം ചൈനീസ്‌ വിപണിയില്‍ വ്യാപാരം ചെയ്യുന്ന മൊത്തം ഓഹരികളുടെ മൂല്യം 9 ലക്ഷം കോടി ഡോളറാണ്‌. മൈക്രോസോഫ്‌റ്റ്‌, എന്‍വിഡിയ, ആപ്പിള്‍ എന്നീ മൂന്ന്‌ കമ്പനികളില്‍ ഓരോന്നിന്നും മൂന്ന്‌ ലക്ഷം കോടി ഡോളറിലേറെ വിപണിമൂല്യമുണ്ട്‌.

എന്‍വിഡിയയുടെ വിപണിമൂല്യം ഈയാഴ്‌ച മൂന്ന്‌ ലക്ഷം കോടി രൂപ മറികടന്നിരുന്നു. ആര്‍ട്ടിഫിഷ്യല്‍ ഇന്റലിജന്‍സില്‍ രംഗത്തുണ്ടായ മുന്നേറ്റമാണ്‌ എന്‍വിഡിയയ്‌ക്ക്‌ ഗുണകരമായത്‌.

മുന്‍നിര എഐ കമ്പനികള്‍ ഗ്രാഫിക്‌ പ്രോസസിംഗ്‌ യൂണിറ്റുകള്‍ക്കായി പ്രധാനമായും ആശ്രയിക്കുന്നത്‌ എന്‍വിഡിയയെയാണ്‌. ആപ്പിളിനെ മറികടന്ന്‌ എന്‍വിഡിയ ലോകത്തിലെ ഏറ്റവും ഉയര്‍ന്ന വിപണിമൂല്യമുള്ള രണ്ടാമത്തെ കമ്പനിയായി മാറി. മൈക്രോസോഫ്‌റ്റാണ്‌ ഒന്നാമത്‌.

ടെക്‌നോളജി കമ്പനികളുടെ മുന്നേറ്റത്തെ തുടര്‍ന്ന്‌ ടെക്‌നോളജി ഓഹരികള്‍ ഉള്‍പ്പെട്ട സൂചികയായ നാസ്‌ഡാക്‌ എക്കാലത്തെയും ഉയര്‍ന്ന നിലവാരത്തിലെത്തിയിരുന്നു.

X
Top