ക്രെഡിറ്റ് കാർഡ് ഉടമകൾക്ക് യുപിഐ വഴി സാധനങ്ങൾക്കും സേവനങ്ങൾക്കും ഉടൻ പണമടയ്ക്കാനാകും. നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യ (NPCI) ഓപ്പറേറ്റ് ചെയ്യുന്ന പേയ്മെന്റ് സിസ്റ്റം നിലവിൽ ഉപയോക്താക്കളെ അവരുടെ ബാങ്ക് അക്കൗണ്ടുകൾ വഴി മാത്രമാണ് പണമടയ്ക്കാൻ അനുവദിക്കുന്നത്.
റേസർപേ, പേയ്മെന്റ് ഗേറ്റ്വേ ഉപയോഗിച്ച് വ്യാപാരികൾക്ക് മാത്രമേ ക്രെഡിറ്റ് കാർഡുകൾ വഴിയുള്ള യുപിഐ പേയ്മെന്റുകൾ നടത്താനാകൂ. എന്നാൽ ഇനി മുതൽ യുപിഐ ക്രെഡിറ്റ് കാർഡ് ഇടപാടുകൾ പ്രവർത്തനക്ഷമമാക്കുമെന്ന് പ്ലാറ്റ്ഫോം ബുധനാഴ്ച പ്രഖ്യാപിച്ചു.
റുപേ ക്രെഡിറ്റ് കാർഡുകൾ യുപിഐയുമായി ബന്ധിപ്പിക്കാൻ ഉപയോക്താക്കളെ അനുവദിക്കുന്ന എൻസിപിഐ ഫീച്ചർ സ്വീകരിക്കുന്ന ആദ്യ പേയ്മെന്റ് ഗേറ്റ്വേയാണിതെന്ന് റേസർപേ പറഞ്ഞു.
ഈ ഓഫർ നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യയ്ക്കും (NPCI), റിസർവ് ബാങ്ക് ഓഫ് ഇന്ത്യയുടെ (RBI) ഡിജിറ്റൽ സ്പെയ്സിലെ ഏറ്റവും പുതിയ കണ്ടുപിടുത്തത്തിനും അനുസൃതമാണ്.
യുപിഐയിൽ റുപേ ക്രെഡിറ്റ് കാർഡുകൾ പ്രവർത്തനക്ഷമമാക്കുന്നതോടെ, റേസർപേ വ്യാപാരികൾക്ക് അവരുടെ നിലവിലുള്ള സജ്ജീകരണത്തിൽ കുറഞ്ഞ മാറ്റങ്ങളോടെ, ക്രെഡിറ്റ് കാർഡ് പേയ്മെന്റുകൾ യുപിഐ വഴി സ്വീകരിക്കാൻ തുടങ്ങാം. ആക്സിസ് ബാങ്കിന്റെ പങ്കാളിത്തത്തോടെയാണ് ഈ സംവിധാനം സാധ്യമാക്കിയത്.
എച്ച്ഡിഎഫ്സി ബാങ്ക്, പഞ്ചാബ് നാഷണൽ ബാങ്ക്, യൂണിയൻ ബാങ്ക്, ഇന്ത്യൻ ബാങ്ക് എന്നിവയുടെ ഉപഭോക്താക്കൾക്ക് ഈ നവീകരണത്തിന്റെ പ്രയോജനം തുടക്കത്തിൽ തന്നെ ലഭിക്കുമെന്നും റേസർപേ കൂട്ടിച്ചേർത്തു.
ക്രെഡിറ്റ് കാർഡുകൾ യുപിഐയുമായി ലിങ്ക് ചെയ്യുന്നത് ഉപഭോക്താക്കൾക്ക് പേയ്മെന്റുകൾക്കായി എല്ലായ്പ്പോഴും ക്രെഡിറ്റ് കാർഡുകൾ കൈവശം വയ്ക്കേണ്ടതില്ലെന്ന് ഉറപ്പാക്കും. ഇത് ക്രെഡിറ്റ് കാർഡ് മോഷണം അല്ലെങ്കിൽ നഷ്ടപ്പെടാനുള്ള സാധ്യത ഇല്ലാതാക്കും.
മാത്രമല്ല, സ്വൈപ്പിംഗ് മെഷീനുകളിൽ സെൻസിറ്റീവ് ഉപഭോക്തൃ വിവരങ്ങൾ സ്കിമ്മിംഗ് ചെയ്യാനോ പകർത്താനോ ഉള്ള സാധ്യതയും ഇല്ലാതാക്കി ഉപഭോക്താക്കളുടെ സുരക്ഷ വർദ്ധിപ്പിക്കുകയും ചെയ്യുന്നു.
ഏകദേശം 250 ദശലക്ഷം ഇന്ത്യക്കാർ അവരുടെ ദൈനംദിന ഇടപാടുകൾക്കായി യുപിഐ ഉപയോഗിക്കുന്നുണ്ട്. കൂടാതെ ഏകദേശം 50 ദശലക്ഷം ഉപയോക്താക്കൾക്ക് ഒന്നോ അതിലധികമോ ക്രെഡിറ്റ് കാർഡുകളുമുണ്ട്. റിസർവ് ബാങ്ക് ഡാറ്റ പ്രകാരം, ക്രെഡിറ്റ് കാർഡ് വ്യവസായം കഴിഞ്ഞ മൂന്ന് വർഷമായി 30% വളർന്നു.
എന്നാൽ ക്രെഡിറ്റ് കാർഡിലേക്കുള്ള മാറ്റം വളരെ കുറവായി തുടരുന്നു, വെറും 6% ഇന്ത്യക്കാർക്ക് മാത്രമാണ് ഈ സംവിധാനം ഉപയോഗപ്പെടുത്തുന്നത്. മറുവശത്ത്, 2022 ഒക്ടോബറിൽ മാത്രം യുപിഐ 731 കോടി രൂപയുടെ ഇടപാടുകൾ രേഖപ്പെടുത്തി. 40% ഇന്ത്യക്കാരും യുപിഐ ഉപയോഗിക്കുന്നു എന്നാണ് ഈ കണക്കുകൾ സൂചിപ്പിക്കുന്നത്.
ഉപഭോക്താക്കൾക്ക് ഏറ്റവും മികച്ച രീതിയിൽ ഹ്രസ്വകാല ക്രെഡിറ്റിന്റെയും കാർഡുകളുടെ റിവാർഡുകളുടെയും ആനുകൂല്യങ്ങൾക്കൊപ്പം തടസ്സമില്ലാത്ത യുപിഐ പേയ്മെന്റ് അനുഭവം വാഗ്ദാനം ചെയ്യുന്നതിനാണ് ഫിനാൻഷ്യൽ റെഗുലേറ്ററിന്റെ പുതിയ നീക്കം.
ഇന്ത്യയിലെ ഘടനാപരമായ ക്രെഡിറ്റ് ഇൻഫ്രാസ്ട്രക്ചർ വിപുലീകരിക്കാനുള്ള സർക്കാരിന്റെ കാഴ്ചപ്പാടിന് അനുസരിച്ച് ഇന്ത്യയിലുടനീളമുള്ള വ്യാപാരികളുമായി പരിധികളില്ലാതെ ഇടപാട് നടത്താൻ ഇത് ഉപയോക്താക്കളെ പ്രാപ്തരാക്കും.
റേസർപേ പോലെയുള്ള മുൻനിര പങ്കാളിയിൽ നിന്നുള്ള സജീവമായ ഇടപെടൽ, യുപിഐ വഴി ഇടപാടുകൾ നടത്താൻ ക്രെഡിറ്റ് കാർഡ് ഉടമകളെ പ്രാപ്തരാക്കുകയും, അതുവഴി ഒരു ഫിസിക്കൽ കാർഡ് കൈവശം വയ്ക്കേണ്ടതിന്റെ ആവശ്യകത ഇല്ലാതാക്കുകയും ചെയ്യുന്നതിനാൽ വിപണിയിലേക്കുളള പണമൊഴുക്കിൻറെ വേഗത വർദ്ധിക്കും.
