തിരുവനന്തപുരം: നവകേരള സദസിൽ നിർദേശിച്ച പദ്ധതിക്ക് 210 കോടി രൂപ വകയിരുത്തി. ഓരോ എംഎൽഎയ്ക്കും ഏഴു കോടി വരെയുള്ള പദ്ധതി നിർദ്ദേശിക്കാം.
മുതിർന്ന പൗരന്മാർക്കായി കെഎഫ്സിയുടെ പുതിയ പദ്ധതി. മൂന്ന് ശതമാനം പലിശ സബ്സിഡിയോടുകൂടി 20 കോടി വരെയുള്ള വായ്പാ പദ്ധതി.
വനിതാ സംവിധായകര്ക്ക് ഫീച്ചര് സിനിമയെടുക്കാൻ ഏഴു കോടി. ജയിൽ നവീകരണത്തിന് 47 കോടി. അയ്യങ്കാളി തൊഴിലുറപ്പ് പദ്ധതിക്ക് 200 കോടി രൂപയും അനുവദിച്ചു.
ഭക്ഷ്യ വകുപ്പിന് വിപണി ഇടപെടലിന് ഉള്പ്പെടെ 2333.64 കോടി വകയിരുത്തി. സംസ്ഥാനത്തെ 100 സപ്ലൈക്കോ ഔട്ട്ലെറ്റുകള് നവീകരിക്കും. ഇതിനായി 17.8 കോടി വകയിരുത്തി. എറണാകുളം കേന്ദ്രീകരിച്ച് ഫിനാൻസ് ടൗണ് സ്ഥാപിക്കും.
