സേവന പ്രവർത്തനങ്ങൾ സെപ്റ്റംബറിൽ 10 മാസത്തെ ഏറ്റവും താഴ്ന്ന നിരക്കായ 57.7 ആയിഭക്ഷ്യ എണ്ണ ഉല്‍പ്പാദനം കൂട്ടാന്‍ 10,000 കോടിയുടെ മിഷനുമായി കേന്ദ്രസർക്കാർ; കേരളത്തിന്റെ കാര്‍ഷിക മേഖലയിലും ഉണര്‍വ്വിന് സാധ്യതഇന്ത്യയിലാദ്യമായി ഒറ്റക്കപ്പലിൽനിന്ന് 10330 കണ്ടെയ്നറുകൾ കൈമാറ്റം ചെയ്ത് വിഴിഞ്ഞംപുനരുപയോഗ ഊർജ മേഖലയിൽ വിപ്ലവത്തിന് കേരളം; ബാറ്ററിയിൽ വൈദ്യുതി സംഭരിച്ച് ഉപയോഗം ‘ബെസ്’ ഒരുക്കുന്നു, പിപിപി മാതൃകയിൽ പ്രത്യേക നിർവഹണ ഏജൻസി രൂപീകരിക്കാൻ കെഎസ്ഇബിസെപ്‌റ്റംബറില്‍ എഫ്‌ഐഐകള്‍ നിക്ഷേപിച്ചത്‌ 57,359 കോടി രൂപ

സാമ്പത്തിക വർഷത്തിന്റെ ആദ്യപകുതിയിൽ രാജ്യത്തെ ട്രെയിനുകളിൽ യാത്ര ചെയ്തത് 390.2 കോടി പേർ

ന്യൂഡൽഹി: 2023 ഏപ്രിലിനും ഒക്‌ടോബറിനുമിടയിൽ രാജ്യത്തെ ട്രെയിനുകളിൽ യാത്ര ചെയ്തത് 390.2 കോടി പേർ. ഇതിൽ 95.3 ശതമാനവും ജനറൽ, സ്ലീപ്പർ ക്ലാസുകൾ തിരഞ്ഞെടുത്തപ്പോൾ 4.7 ശതമാനം പേർ എസി കോച്ചുകൾ തിരഞ്ഞെടുത്തു.

2022ലെ അതേ കാലയളവിൽ 349.1 കോടി പേരാണ് യാത്ര ചെയ്തത്. 11.7 ശതമാനമാണ് ഈ വർഷത്തെ യാത്രക്കാരുടെ എണ്ണത്തിലെ വർധന. കഴിഞ്ഞ വർഷത്തെ അപേക്ഷിച്ച് ഈ വർഷം ഏപ്രിൽ മുതൽ ഒക്ടോബർ വരെയുള്ള കാലയളവിൽ ജനറൽ, സ്ലീപ്പർ ക്ലാസുകൾ തിരഞ്ഞെടുക്കുന്ന യാത്രക്കാരുടെ എണ്ണത്തിൽ ഗണ്യമായ വർധനയുണ്ടായതായി അധികൃതർ അറിയിച്ചു.

കോവിഡിന് മുമ്പുള്ള ദിവസങ്ങളെ അപേക്ഷിച്ച് പ്രതിദിന ട്രെയിനുകളുടെ എണ്ണത്തിൽ വർധനവുണ്ടായതും യാത്രക്കാരുടെ എണ്ണം കൂടാൻ കാരണമായി. നിലവിൽ പ്രതിദിനം 10,748 ട്രെയിനുകളാണ് പ്രവർത്തിക്കുന്നത്. കോവിഡിന് മുമ്പുള്ള കാലഘട്ടത്തിൽ പ്രതിദിനം ഓടിയിരുന്നത് 10,186 ട്രെയിനുകൾ ആയിരുന്നു.

മെയിൽ, എക്സ്പ്രസ് ട്രെയിനുകളുടെ എണ്ണത്തിൽ ആണ് ഏറ്റവും കൂടുതൽ വർധനയുണ്ടായത്. ഇത് കോവിഡിന് മുമ്പുള്ള കാലയളവിൽ 1,768 ആയിരുന്നു. മെയിൽ, എക്സ്പ്രസ് ട്രെയിനുകളുടെ ആകെ എണ്ണം 2,122 ആയാണ് റെയിൽവേ വർധിപ്പിച്ചത്.

ഗ്രാമീണ പ്രദേശങ്ങളെയും നഗരങ്ങളെയും ബന്ധിപ്പിക്കുന്ന സബർബൻ ട്രെയിനുകളും കോവിഡിന് ശേഷമുള്ള കാലയളവിൽ 5774 എണ്ണം ആയി ഉയർന്നു. നേരത്തെ ഇത് 5626 എണ്ണം ആയിരുന്നു.

നഗരങ്ങൾക്കുള്ളിലെ ദൈനം ദിന യാത്രാ ആവശ്യങ്ങൾ തിരിച്ചറിഞ്ഞ്, പ്രതിദിന യാത്രക്കാർക്കായി 2,852 ട്രെയിനുകൾ കൂടുതലായി അനുവദിച്ചെന്ന് റെയിൽവേ വ്യക്തമാക്കി. കോവിഡിന് മുമ്പ് ഇത് 2792 ട്രെയിനുകളായിരുന്നു.

പ്രതിദിന യാത്രക്കാരുടെ എണ്ണത്തിലുണ്ടായ വൻ വർധന കണക്കാക്കി എല്ലാ വിഭാഗങ്ങളിലും കൂടുതൽ ട്രെയിനുകൾ അവതരിപ്പിക്കാൻ പദ്ധതിയുണ്ടെന്ന് റെയിൽവേ വ്യക്തമാക്കി.

X
Top