മുംബൈ: രാജ്യത്തെ ആദ്യത്തെ ഇൻഫ്രാ-ഫോക്കസ്ഡ് കോർപ്പസായ നാഷണൽ ഇൻവെസ്റ്റ്‌മെന്റ് ആൻഡ് ഇൻഫ്രാസ്ട്രക്ചർ ഫണ്ട് (NIIF), അശോക ബിൽഡ്‌കോണിന്റെയും മക്വാരി ഇന്ത്യയുടെയും സംയുക്ത ഉടമസ്ഥതയിലുള്ള ഒരു റോഡ് പ്രോജക്റ്റ് ഏറ്റെടുക്കുന്നതിനുള്ള വിപുലമായ ചർച്ചയിലാണ് എന്നാണ് ലഭിക്കുന്ന വിവരം. ഇതിന് ഏകദേശം ₹1,000 കോടി രൂപയുടെ മൂല്യമുള്ളതായി കണക്കാക്കപ്പെടുന്നു. SH-31 ന്റെ 120-കിലോമീറ്റർ ജയോറ-നായഗാവ് സെക്ഷനിൽ പ്രവർത്തിക്കുന്ന ജോറ-നായഗാവ് ടോൾ റോഡ് കമ്പനിയുടെ ഉടമസ്ഥാവകാശം കൈമാറ്റം ചെയ്യുന്നതിനുള്ള ചർച്ചകൾ അവസാനഘട്ടത്തിലെത്തിയെന്ന് അടുത്ത വൃത്തങ്ങൾ അറിയിച്ചു. അശോകയുടെ അനുബന്ധ സ്ഥാപനത്തിന് ഈ ജയോറ-നായഗാവ് ടോൾ റോഡ് കമ്പനിയിൽ 74% ഓഹരിയുണ്ട്, ബാക്കിയുള്ള 26% ഓഹരി മാക്വാറി ഇന്ത്യയ്ക്കാണ്.
ചർച്ചകൾ അവസാന ഘട്ടത്തിലാണെന്നും, ഒരു മാസത്തിനുള്ളിൽ കരാർ ഒപ്പിടുമെന്ന് തങ്ങൾ പ്രതീക്ഷിക്കുന്നതായും അടുത്ത വൃത്തങ്ങൾ വ്യക്തമാക്കി. എൻഐഐഎഫ് മാസ്റ്റർ ഫണ്ട് ഇൻകുബേറ്റ് ചെയ്ത റോഡ് പ്ലാറ്റ്‌ഫോമായ അതാങ് ഇൻഫ്രാസ്ട്രക്ചർ വഴിയാണ് അസറ്റ് ഏറ്റെടുക്കുന്നതെന്നാണ് റിപ്പോർട്ടുകൾ. എന്നാൽ ഈ വാർത്തകളോട് ഔദ്യോഗിക പ്രതികരണം നടത്താൻ കമ്പനികൾ തയ്യാറായില്ല.
