ന്യൂഡല്‍ഹി: മൊത്ത പ്രത്യക്ഷ നികുതി പിരിവ്, നടപ്പ് സാമ്പത്തിക വര്‍ഷം ഇതുവരെ 26 ശതമാനം വര്‍ധിച്ച് 13.63 ലക്ഷം കോടി രൂപയായി.ടിഡിഎസ്(ടാക്സ് ഡിഡക്ടഡ് അറ്റ് സോഴ്‌സ്), കോര്‍പ്പറേറ്റ് അഡ്വാന്‍സ് നികുതി എന്നിവയുടെ ആരോഗ്യകരമായ വര്‍ധനവാണ്‌ മൊത്തം നികുതി വര്‍ധിപ്പിച്ചത്. റീഫണ്ടുകള്‍ കിഴിച്ചുള്ള, അറ്റ പ്രത്യക്ഷ നികുതി വരവ് 11.35 ലക്ഷം കോടി രൂപയാണ്
മുഴുവന്‍ ബജറ്റ് ലക്ഷ്യത്തിന്റെ 80 ശതമാനം. മുന്‍വര്‍ഷത്തെ അപേക്ഷിച്ച് 68 ശതമാനം അധികം റീഫണ്ടുകള്‍ നടത്താനുമായി.2.28 ലക്ഷംകോടി രൂപയുടെ റീഫണ്ടുകളാണ് ഡിസംബര്‍ 17 വരെ ഇഷ്യു ചെയ്തത്.
കോര്‍പ്പറേഷന്‍ നികുതി (സിഐടി) 7.25 ലക്ഷം കോടി രൂപ, സെക്യൂരിറ്റീസ് ട്രാന്‍സാക്ഷന്‍ ടാക്സ് (എസ്ടിടി) ഉള്‍പ്പെടെ വ്യക്തിഗത ആദായനികുതി (പിഐടി) 6.35 ലക്ഷം കോടി രൂപ, 5.21 ലക്ഷം കോടി രൂപയുടെ മുന്‍കൂര്‍ നികുതി പിരിവ്, 6.44 ലക്ഷം കോടി രൂപ സ്രോതസ്സില്‍ നിന്ന് ഒഴിവാക്കിയ നികുതി (ടിഡിഎസ്), 1.40 ലക്ഷം കോടി രൂപ സെല്‍ഫ് അസസ്മെന്റ് ടാക്സ് എന്നിവ ഉള്‍പ്പെടുന്നതാണ് മൊത്തം പിരിവായ 13,63,649 കോടി രൂപ.നടപ്പ് സാമ്പത്തിക വര്‍ഷത്തിലെ ഒന്നും രണ്ടും മൂന്നും പാദങ്ങളിലെ മുന്‍കൂര്‍ നികുതി പിരിവ് 12.83 ശതമാനം വളര്‍ന്ന് 5.21 ലക്ഷം കോടി രൂപയിലെത്തി.
ഇതില്‍ സിഐടി 3.97 ലക്ഷം കോടിയും പിഐടി 1.23 ലക്ഷം കോടിയുമാണ്. കോര്‍പ്പറേറ്റ് നികുതികളില്‍ നിന്നുമുള്ള അറ്റ പിരിവ്,മുന്‍ സാമ്പത്തിക വര്‍ഷത്തിലെ (2021) ഇതേ കാലയളവില്‍ സമാഹരിച്ച 9,47,959 കോടി രൂപയേക്കാള്‍ 19.81 ശതമാനംഉയര്‍ന്നു. 11.35 ലക്ഷം കോടി രൂപയാണ് ഈവര്‍ഷത്തെ നികുതി പിരിവ്.യഥാക്രമം 6.06 ലക്ഷം കോടിയും 5.26 ലക്ഷം കോടിയും സിഐടി,പിഐടി കളക്ഷനുകള്‍ ഇതില്‍ ഉള്‍പ്പെടുന്നു.
റിട്ടേണ്‍ പ്രൊസസിംഗ് വേഗത്തിലായിട്ടുണ്ടെന്നും ഐടിആറുകളുടെ 96.5 ശതമാനം പ്രൊസസിംഗ് ഇതിനോടകം കഴിഞ്ഞെന്നും സിബിഡിടി (സെന്‍ട്രല്‍ ബോര്‍ഡ് ഓഫ് ഡയറക്ട് ടാക്‌സസ്) പ്രസ്താവനയില്‍ അറിയിച്ചു. ഇതോടെ റീഫണ്ടുകള്‍ വേഗത്തിലാക്കാനായി.
നടപ്പ് സാമ്പത്തിക വര്‍ഷം ഇഷ്യൂ ചെയ്ത റീഫണ്ടുകളുടെ എണ്ണത്തില്‍ ഏകദേശം 109 ശതമാനം വര്‍ദ്ധനവ് ഉണ്ടായതായി സിബിഡിടി പറയുന്നു.കോര്‍പ്പറേറ്റ്, വ്യക്തിഗത വരുമാനത്തിന്മേലുള്ള നികുതിയാണ് പ്രത്യക്ഷ നികുതിയായി വകയിരുത്തുന്നത്. കഴിഞ്ഞ സാമ്പത്തിക വര്‍ഷം (202122) സമാഹരിച്ച 14.10 ലക്ഷം കോടി രൂപയേക്കാള്‍ കൂടുതലാണ് ഈ സാമ്പത്തിക വര്‍ഷം ലക്ഷ്യം വയ്ക്കുന്നത്.
14.20 ലക്ഷം കോടി രൂപ. സമ്പദ്വ്യവസ്ഥ പാന്‍ഡെമിക് താഴ്ചയില്‍ നിന്ന് കരകയറിയതായും ശക്തമായ നികുതി പിരിവ് വെളിപെടുത്തുന്നു.
