കൊച്ചി: പ്രമുഖ ബാങ്കിംഗ് ഇതര ധനകാര്യ സ്ഥാപനമായ മുത്തൂറ്റ് നൈനാൻ ശൃംഖലയിലെ മുത്തൂറ്റ് മെർക്കന്റയിലിന്റെ നോൺ കൺവെർട്ടബിൾ സെക്യുവേർഡ് റെഡിബിൾ കടപ്പത്രങ്ങളുടെ (എൻസിഡി) വില്പന മേയ് 17 വരെ നടക്കും. ആയിരം രൂപയാണ് മുഖവില. അപേക്ഷിക്കാനുള്ള കുറഞ്ഞ തുക 10,000 രൂപയാണ്.
നിക്ഷേപ തുക 75 മാസങ്ങൾ കൊണ്ട് ഇരട്ടിയാകും. മുതിർന്ന പൗരൻമാർക്ക് 10.50 ശതമാനം മുതൽ 13.65 ശതമാനം വരെ ആകർഷകമായ പലിശ മാസത്തവണകളായോ കാലാവധി തീരുമ്പോഴോ ലഭിക്കും.
മറ്റ് വ്യക്തിഗത നിക്ഷേപകർക്ക് 10.50 ശതമാനം മുതൽ 13.15 ശതമാനം വരെ പലിശ ലഭിക്കും.
വിവിധ സംസ്ഥാനങ്ങളിൽ സാന്നിദ്ധ്യമുള്ള മുത്തൂറ്റ് മർക്കന്റയിൽ സമാഹരിക്കുന്ന തുക സ്വർണപ്പണയ സേവനങ്ങൾ ശക്തിപ്പെടുത്തിപ്പെടുത്തുന്നതിനും, ദേശീയതലത്തിൽ ശാഖകൾ വിപുലീകരണത്തിനും വിനിയോഗിക്കുമെന്ന് ചെയർമാൻ മാത്യു. എം. മുത്തൂറ്റ്, മാനേജിംഗ് ഡയറക്ടർ റിച്ചി മാത്യു മുത്തൂറ്റ് എന്നിവർ അറിയിച്ചു.
