കൊച്ചി: ഒക്ടോബറില് ഇന്ത്യയുടെ ഉത്പന്ന കയറ്റുമതി 17.3 ശതമാനം ഉയർന്ന് 3,920 കോടി ഡോളറായി.
ഇറക്കുമതി 3.9 ശതമാനം വർദ്ധനയോടെ 6,634 കോടി ഡോളറായി. ഇതോടെ വ്യാപാര കമ്മി 2,714 കോടി ഡോളറിലെത്തി. മുൻവർഷം ഒക്ടോബറില് വ്യാപാര കമ്മി 3,310 കോടി ഡോളറായിരുന്നു. സെപ്തംബറില് ഇന്ത്യയുടെ കയറ്റുമതി 3,458 കോടി ഡോളറും ഇറക്കുമതി 5,536 കോടി ഡോളറുമായിരുന്നു.
ഡോളറിനെതിരെ രൂപയുടെ മൂല്യമിടിഞ്ഞതോടെ ഇന്ത്യൻ ഉത്പന്നങ്ങളുടെ മത്സരക്ഷമത വർദ്ധിച്ചതും ആപ്പിള് ഐ ഫോണ് ഉള്പ്പെടെയുള്ള ഇലകട്രോണിക്സ് ഉത്പന്നങ്ങളുടെ കയറ്റുമതിയിലെ കരുത്തും നേട്ടമായി. ക്രൂഡോയില്, സ്വർണം എന്നിവയിലെ വിലക്കുതിപ്പാണ് ഇറക്കുമതി കൂട്ടിയത്.
