ജമ്മു & കശ്മീരിലെ ലിഥിയം ഖനനത്തിനുള്ള ലേലത്തിൽ ഒരു കമ്പനി പോലും പങ്കെടുത്തില്ലരാജ്യത്തെ 83 ശതമാനം യുവാക്കളും തൊഴില് രഹിതരെന്ന് റിപ്പോര്ട്ട്ഇന്ത്യയുടെ കറന്റ് അക്കൗണ്ട് കമ്മി കുറയുന്നുവെനസ്വേലയിൽ നിന്ന് ക്രൂഡ് ഓയിൽ വാങ്ങുന്നത് നിർത്തി ഇന്ത്യകിൻഫ്ര പെട്രോകെമിക്കൽ പാർക്കിൽ ഇതുവരെ 227.77 കോടിയുടെ നിക്ഷേപം

യങ് ഇന്നോവേറ്റേഴ്സ് പ്രോഗ്രാം: നേട്ടം കൊയ്ത് കാർഷിക സർവ്വകലാശാല

വിദ്യാർത്ഥികളുടെ നൂതനാശയങ്ങൾ യാഥാർഥ്യമാക്കാൻ കേരള ഡവലപ്മെന്റ് ആൻഡ് ഇന്നവേഷൻ സ്ട്രാറ്റജിക് കൗൺസിലിന്റെ (കെ–ഡിസ്ക്) നേതൃത്വത്തിൽ നടപ്പിലാക്കി വരുന്ന യങ് ഇന്നോവേറ്റേഴ്സ് പ്രോഗ്രാമിൽ ഏറ്റവും കൂടുതൽ ആശയങ്ങൾ സമർപ്പിച്ച് കേരള കാർഷിക സർവ്വകലാശാല ഒന്നാം സ്ഥാനം കരസ്ഥമാക്കി.

ഇന്നൊവേഷൻ ദിനത്തോടനുബന്ധിച്ച് 13/03/2023 ന് തിരുവനന്തപുരത്ത് വെച്ച് നടന്ന ചടങ്ങിൽ ബഹു. മുഖ്യമന്ത്രി ശ്രീ. പിണറായി വിജയൻ പുരസ്കാരം വിതരണം ചെയ്തു. സംസ്ഥാന തലത്തിൽ ആകെ 944 ആശയങ്ങളാണ് സമർപ്പിക്കപ്പെട്ടത്.

ഇതിൽ യൂണിവേഴ്സിറ്റി തലത്തിൽ ഏറ്റവും കൂടുതൽ ആശയങ്ങൾ സമർപ്പിക്കപ്പെട്ടത് കാർഷിക സർവ്വകലാശാലയിൽ നിന്നാണ്. കാർഷിക സർവ്വകലാശാലയ്ക്ക് വേണ്ടി വെള്ളാനിക്കര കാർഷിക കോളേജ് ഡീൻ ഡോ. മണി ചെല്ലപ്പൻ പുരസ്കാരം ഏറ്റു വാങ്ങി.

സർവ്വകലാശാല തലത്തിൽ യങ് ഇന്നോവേറ്റേഴ്സ് പ്രോഗ്രാമിന്റെ ഏറ്റവും മികച്ച ഫെസിലിറ്റേറ്റർ പുരസ്കാരത്തിലെ ഒന്നും രണ്ടും സ്ഥാനങ്ങൾ കാർഷിക സർവ്വകലാശാല അധ്യാപകർ കരസ്ഥമാക്കി.

ഒന്നാം സ്ഥാനം വെള്ളാനിക്കര കാർഷിക കോളേജിലെ അസോസിയേറ്റ് പ്രൊഫെസ്സർ ഡോ. ബെറിൻ പത്രോസും രണ്ടാം സ്ഥാനം കാർഷിക സർവ്വകലാശാല വിദ്യാർത്ഥി ക്ഷേമ വിഭാഗം മേധാവി ഡോ. ഈ. ജി. രഞ്ജിത്ത് കുമാറും കരസ്ഥമാക്കി.

കേരള കാർഷിക സർവ്വകലാശാലയിൽ വിദ്യാർത്ഥികൾ സമർപ്പിച്ച 43 നൂതനാശയങ്ങളാണ് പ്രാഥമിക ഘട്ടത്തിൽ യങ് ഇന്നോവേറ്റേഴ്സ് പ്രോഗ്രാമിൽ തിരഞ്ഞെടുക്കപ്പെട്ടിട്ടുള്ളത്.

X
Top