മുംബൈ: ഏകദേശം 2,000 കോടി രൂപയുടെ വിൽപ്പന വരുമാന സാധ്യതയുള്ള ഒരു ഭവന പദ്ധതിയുടെ വികസനത്തിനായി പൂനെയിൽ 12 ഏക്കർ സ്ഥലം ഏറ്റെടുത്തതായി റിയൽറ്റി സ്ഥാപനമായ ഗോദ്റെജ് പ്രോപ്പർട്ടീസ് ചൊവ്വാഴ്ച അറിയിച്ചു.
പൂനെയിലെ മുൻധ്വ-ഈസ്റ്റിൽ കമ്പനി 12 ഏക്കർ ഭൂമി ഏറ്റെടുത്തതായും. ഈ ഭൂമിയിലെ വികസനം പ്രാഥമികമായി ഒരു പ്രീമിയം ഗ്രൂപ്പ് ഹൗസിംഗ് പ്രോജക്റ്റിനായിരിക്കുമെന്നും കമ്പനി റെഗുലേറ്ററി ഫയലിംഗിൽ പറഞ്ഞു. ഏകദേശം 2.2 ദശലക്ഷം ചതുരശ്ര അടി വിസ്തീർണ്ണമുള്ള പദ്ധതിയിലൂടെ 2,000 കോടി രൂപയുടെ വരുമാനം നേടാനാണ് ഗോദ്റെജ് പ്രോപ്പർട്ടീസ് ലക്ഷ്യമിടുന്നത്.
പോർട്ട്ഫോളിയോയിലേക്ക് ഈ ലാൻഡ് പാഴ്സൽ ചേർക്കുന്നതിൽ സന്തോഷമുണ്ടെന്നും. ഇത് പൂനെയിലെ കമ്പനിയുടെ സാന്നിധ്യം കൂടുതൽ വിപുലീകരിക്കാൻ സഹായിക്കുമെന്നും ഗോദ്റെജ് പ്രോപ്പർട്ടീസ് എംഡിയും സിഇഒയുമായ മോഹിത് മൽഹോത്ര പറഞ്ഞു.
രാജ്യത്തെ പ്രമുഖ റിയൽ എസ്റ്റേറ്റ് ഡെവലപ്പർമാരിൽ ഒന്നാണ് ഗോദ്റെജ് ഗ്രൂപ്പിന്റെ ഭാഗമായ ഗോദ്റെജ് പ്രോപ്പർട്ടീസ്.
