Alt Image
കോർപ്പറേറ്റ് നികുതി സമാഹരണം 34% ഉയർന്നുസ്വാതന്ത്ര്യാനന്തര ഇന്ത്യന്‍ സമ്പദ് വ്യവസ്ഥയില്‍ വലിയ മാറ്റങ്ങള്‍ ഉണ്ടാക്കിയ ഘടകങ്ങള്‍ ഇവയാണ്സ്വാതന്ത്ര്യത്തിന്റെ 75 വർഷങ്ങൾക്കിടെ ഇന്ത്യയെ ആഗോളശക്തിയാക്കി വളർത്തിയ അഞ്ച് നേട്ടങ്ങൾ അറിയാംരാജ്യത്തെ വ്യാവസായികോത്പാദനം ജൂണില്‍ 12.3 ശതമാനമായി കുറഞ്ഞുഉപഭോക്തൃ വില സൂചിക പണപ്പെരുപ്പം 5 മാസത്തെ താഴ്ചയില്‍

പലിശ അടയ്ക്കുന്നതിൽ വീഴ്ച വരുത്തി ഫ്യൂച്ചർ എന്റർപ്രൈസ്

മുംബൈ: നോൺ-കൺവേർട്ടിബിൾ ഡിബഞ്ചറുകളുടെ (എൻ‌സി‌ഡി) കുടിശ്ശികയായ 1.42 കോടി രൂപയുടെ പലിശ അടയ്ക്കുന്നതിൽ വീഴ്ച വരുത്തി പ്രതിസന്ധിയിലായ ഫ്യൂച്ചർ ഗ്രൂപ്പിന്റെ സ്ഥാപനമായ ഫ്യൂച്ചർ എന്റർപ്രൈസസ് ലിമിറ്റഡ് (എഫ്‌ഇഎൽ). 2022 ജൂൺ 6-ന് നൽകേണ്ട എൻ‌സി‌ഡികളുടെ പലിശയുമായി ബന്ധപ്പെട്ട ബാധ്യതകൾ നിറവേറ്റാൻ കമ്പനിക്ക് കഴിഞ്ഞില്ലെന്നനും, 2021 ഡിസംബർ 6-നും 2022 ജൂൺ 5-നും ഇടയിൽ 182 ദിവസത്തേക്കുള്ള പലിശയായിരുന്നു അടയ്‌ക്കേണ്ടിയിരുന്നതെന്നും കമ്പനി ഒരു റെഗുലേറ്ററി അപ്‌ഡേറ്റിൽ പറഞ്ഞു.

അടുത്ത കാലത്ത് ഫ്യൂച്ചർ എന്റർപ്രൈസസ് നിരവധി തിരിച്ചടവുകളിൽ വീഴ്ച വരുത്തിയിരുന്നു. നേരത്തെ മെയ് 18 ന് എൻ‌സി‌ഡികൾക്കുള്ള 1.06 കോടി രൂപയുടെ പലിശ അടയ്ക്കുന്നതിൽ വീഴ്ച വരുത്തിയതായി എഫ്‌ഇഎൽ അറിയിച്ചിരുന്നു. ഇത് 23 കോടിയുടെ അടിസ്ഥാന തുകയ്ക്ക് 182 ദിവസത്തേക്കാണ് പലിശ അടയ്‌ക്കേണ്ടിയിരുന്നത്. ഇതിന് മുമ്പ് മെയ് 14 ന് എൻ‌സി‌ഡികളുടെ 8.94 ലക്ഷം രൂപ പലിശ അടയ്ക്കുന്നതിൽ എഫ്‌ഇഎൽ പരാജയപ്പെട്ടിരുന്നു.

ബുധനാഴ്ച, ഫ്യൂച്ചർ എന്റർപ്രൈസസ് ലിമിറ്റഡ് ഓഹരികൾ 3 ശതമാനത്തിന്റെ നേട്ടത്തിൽ 2.70 രൂപയിലെത്തി.

X
Top